Maharaja Rajasri

ಮಹಾರಾಜ ರಾಜಶ್ರೀ
ಭುವನ ಭವ್ಯ ಭಾಗ್ಯಶ್ರೀ
ಹರಿರಾಯರ ಗಂಡ, ಗಂಡ ಭೇರುಂಡ
ಹೇ, ಶ್ರೀ ಕೃಷ್ಣರಾಯರ ಅಮೃತ ಹಸ್ತ ಸನ್ಮಾನಿತ
ಪಕ್ಷಿಧಾಮ ಕ್ಷೇತ್ರ ಕ್ಷೇಮ ಢಾಣಾಯಕ

ಅನ್ನದಾನಿ ಧರ್ಮಪ್ಪನ ಮಗ ಗುರುವಪ್ಪ
ಪೊನ್ನದಾನಿ ಗುರುವಪ್ಪನ ಮಗ ಕನಕಪ್ಪ
ಪುಣ್ಯದಾನಿ ಕನಕಪ್ಪನ ಮೊಮ್ಮಗ ಸೂರಪ್ಪ
ಸೂರಪ್ಪ, ಸೂರಪ್ಪ, ಸುಗುಣಶೀಲ ಸೂರಪ್ಪ
ನಿನ್ನ ಹೃದಯಾರವಿಂದಕೆ ಈ ಕುರುಡು ಕವಿಯ
ಕೋಟಿ ಶರಣಪ್ಪ

ಆಕಾಶದ ಆರದ ದೀಪ ಸೂರಪ್ಪ
ಹತ್ತೂರಿಗೂ ಮುತ್ತಿನ ಮೊಮ್ಮಗ ನೀನಪ್ಪ
ಹಣ್ಣೆಲೆ ನಾನು, ಚಿಗುರೆಲೆ ನೀನು
ನಿನ್ನ ನೆರಳಿನಲಿ ನಾನು ಇರಲೇನು
ಉದುರಿ ಹೋಗುವ ಗಳಿಗೆವರೆಗೂ
ಚಿಂತೆ ಮರೆಯುವೆನು
ನಿನ್ನ ನೆರಳ ನೆನೆಯುವೆನು

ಆಕಾಶದ ಆರದ ದೀಪ ಸೂರಪ್ಪ
ಹತ್ತೂರಿಗೂ ಮುತ್ತಿನ ಮೊಮ್ಮಗ ನೀನಪ್ಪ

ಪ್ರತೀ ಧಾನ್ಯದ, ಪ್ರತೀ ಕಣದಲಿ
ತಿನ್ನೋರ ಹೆಸರಿದೆ ಬಲ್ಲೆಯಾ
ನನ್ನಾ ಹೆಸರಿನ ಅನ್ನ ಕಾಣೆನು
ದಯೆ ತೋರಿ ಬರೆವೆಯಾ
ನನಗೆ ವಯಸ್ಸಿಲ್ಲ
ಮನಸು ಮುದಿಯಲ್ಲ
ಕಣ್ಣು ಕಾಣಲ್ಲ
ಕಂಠ ಹಿಂಗಿಲ್ಲ
ಮಣ್ಣ ಸೇರುವ ಗಳಿಗೆವರೆಗೂ
ಹಸಿವ ಮರೆಯುವೆನು
ನಿನ್ನ ಅನ್ನ ನೆನೆಯುವೆನು

ಆಕಾಶದ ಆರದ ದೀಪ ಸೂರಪ್ಪ
ಹತ್ತೂರಿಗೂ ಮುತ್ತಿನ ಮೊಮ್ಮಗ ನೀನಪ್ಪ

ಅಳುತಾ ಹುಟ್ಟಿ, ನಗುತಾ ಬೆಳೆಯೋ
ಮಕ್ಕಳು ಉಂಟು ಜಗದಲಿ
ಹುಟ್ಟೋ ದಿವಸ ಬಂದಾ ಅಳುವು
ನಿಂತಿಲ್ಲ ನನ್ನ ಬಾಳಲಿ
ಅಭಯ ಹಸ್ತವಿರೋ ರಾಜನಂತಿರುವೆ
ದಯವ ತೋರಿಸುವ ದೇವರಾಗಿರುವೆ
ತಂದೆ ನೀನೆ, ತಾಯಿ ನೀನೆ
ನೀನೆ ನನ್ನ ಮಗ
ತಲೆಕಾಯೋ ಮೊಮ್ಮಗ

ಆಕಾಶದ ಆರದ ದೀಪ ಸೂರಪ್ಪ
ಹತ್ತೂರಿಗೂ ಮುತ್ತಿನ ಮೊಮ್ಮಗ ನೀನಪ್ಪ