Fröher (Live & akustisch)

Fröher, do däte mir noch Schlager singe
Un die Babys, die dät dä Klapperstorch brenge
Fröher, do hatte mir noch wieße Zäng
Un Blömchertapete aan d'r Wäng

Fröher, do jov et keine Knies
Fröher, dat wor wie em Paradies

Em Paradies jitt et kein Sorjefalte
Em Paradies, do jitt et jar kein Nut
Kein Rechnunge, schon jar kein unbezahlte
Em Paradies, do jeiht et dir jot!
Em Paradies, do jeiht et dir jot!

Fröher, do wor Koks jet för dä Ovve
Dä FC Kölle stund do immer nur janz bovve
Fröher, do wor einfach alles toll
Do wore mir noch pünklich jeden Friedaach voll

Fröher, do jov et keine Knies
Fröher, dat wor wie em Paradies

Em Paradies jitt et kein Sorjefalte
Em Paradies, do jitt et jar kein Nut
Kein Rechnunge, schon jar kein unbezahlte
Em Paradies, do jeiht et dir jot!
Em Paradies, do jeiht et dir jot!
Keep up, William is dä Saxophon-Man

Fröher, do hatte mir noch all Karnickel (met nem lecker Jläsche Wing)
Jäje Fieber, statt Pille: Wadenwickel (dat es et beste jäje Fieber)
Fröher, do schleefen all in einem Bett
Die Säu, die wore fröher deck un fett

Em Paradies jitt et kein Sorjefalte
Em Paradies, yeah, do jitt et jar kein Nut
Kein Rechnunge, schon jar kein unbezahlte
Em Paradies, jo, do jeiht et dir jot!

Em Paradies, do jeiht et dir jot!
Em Paradies, jo, do jeiht et dir jot!