Serba Salah

(District Boys Music) kam tra goyang tu
Yeah, New Gvme, Zb DTG
District Gvme, distel slow

Masa gara-gara masalah sepele
Ko langsung ucap minta putus, ah, pele
Setiap hari ko tuduh sa
Sayang, sa juga manusia

Orang yang lihat sa, ko marah sa
Orang yang naksir sa, ko tuduh sa
Kalau baku percaya, aman saja
Sa su jaga semua, tolong percaya

Yeah, yeah, sa menyesal kasih kode IG
Ko buka DM-DM, langsung maki-maki
Saat sa HP miring, padahal ko waiting
Pas savage ada salting, masa ko pu muka garing tu

Pele, Sayang, win streak itu
Brat, baru kenapa ko larang dalam hati sa pu chat
Dong follow, ko unfollow, sa akun, ko yang galau
Sa pu HP, ko yang telfon, aduh, yeskon

Untuk yang kesekian seribu kali
Ko kasih putus sa dan tra mau kembali
Sa bingung mengapa, di mana sa pu salah?
Tra balas ko pu chat, hubungan langsung bermasalah

Itu hal sepele, masa putus pele
Hati ini maleleh, jang begitu pele
Tiap hari dapa maki, trada ampas, anjing, babi yang keluar
Sampai hati ini minta nas

Masa gara-gara masalah sepele
Ko langsung ucap minta putus, ah, pele
Setiap hari ko tuduh sa
Sayang, sa juga manusia

Orang yang lihat sa, ko marah sa
Orang yang naksir sa, ko tuduh sa
Kalau baku percaya, aman saja
Sa su jaga semua, tolong percaya

Sayang, bagaimanakah gertak putus, Sayang, ah
Dong yang lirik saya, bukan salah saya, ih, ya
Mungkin dong yang fans sa tu
Setia, dua sa tra tipu tu, ah, we

Ko oles bulak-balik, sa santai jangan bamarah
Mace we, jangan salah sangka e
Cuma hal sepele, mungkin kurang ale-ale
Sumpah pele sa tra bore (kam tra yakin tu)

Sayang, aman kah, ko berlebihan yang sa rasa
Yang salah siapa, kata putus yang sa terima
Story di IG, ko anggap sapi bagatal
Hati ini su bocor, wei, tra bisa tambal

Sa heran dengan ko pu keputusan ini sekarang
Masalah kecil, ko pikir sa ini sembarang
Sa su setia jaga ko, sa bukan karang
Dan harus ko tahu, sa bukan laki-laki sembarang

Masa gara-gara masalah sepele
Ko langsung ucap minta putus, ah, pele
Setiap hari ko tuduh sa
Sayang, sa juga manusia

Orang yang lihat sa, ko marah sa
Orang yang naksir sa, ko tuduh sa
Kalau baku percaya, aman saja
Sa su jaga semua, tolong percaya

Masa masalah sepele ko bikin cinta tapele
Saling percaya tu boleh, susah sekali, ah, pele
Dorang yang naksir sa, tapi sa yang selalu salah
Sa dapat predikat manusia yang serba salah

Bingung juga harus apa, rasa susah, ko mau pisah
Tahan saja, biar sudah kalau memang ko bahagia
Kalau bisa coba nanti itu ko keker
Lihat sa pu dalam hati su mandi plester

Sa cuma baru pemanasan
Tapi macam percuma kalau semua dijelaskan
Su dewasa, tapi akal tra pernah ko gunakan
Coba sadar diri, hal kecil itu ko besarkan

Apa yang ko lakukan itu tra pernah sa larang
Boleh kontrol, tapi ingat batasan
Sayang, ingat itu, jangan buat mainan
Sumpah sa tra kuat dengan ko pu aturan
Sa ni juga mau tong dua bubarkan

Masa gara-gara masalah sepele
Ko langsung ucap minta putus, ah, pele
Setiap hari ko tuduh sa
Sayang, sa juga manusia

Orang yang lihat sa, ko marah sa
Orang yang naksir sa, ko tuduh sa
Kalau baku percaya, aman saja
Sa su jaga semua, tolong percaya

Sayang, tra ingatkah
Baku menangis karna sa pu janji?
Mungkin kata sayang de su update lagi
Aduh, yeskon, setiap hari macam sa sakit hati

Trada kata sayang ko ucapkan
Cuma kata putus ko lampiaskan
Aih, pele sa setia
Untuk ko, sa kan jaga ni cinta

Yeskon, bakele terlalu lengket
Sampai de bajak semua sosmed
Sumpah pele sa pu baterai lowbat
Tra bisa bebas macam malengket

Ta kancing semua sa pu jurus kena pending
Yang dekat juga ko standing, ko bateriak sampai storing
Yeskon, ba mace kah, tra bisa tenang saja
Aman bah, coba kah percaya sa pu rasa
Love untuk ko, mace kasih slow
Jang tinggal mo marah, sampai sa yang su KO

Masa gara-gara masalah sepele
Ko langsung ucap minta putus, ah, pele
Setiap hari ko tuduh sa
Sayang, sa juga manusia

Orang yang lihat sa, ko marah sa
Orang yang naksir sa, ko tuduh sa
Kalau baku percaya, aman saja
Sa su jaga semua, tolong percaya