Wake up!

Alles dunkel - weiss nid, woni stohn
Riss in d Wunda, sit d Auga offa sind, verfolgt mi d Norm
Umgeh vu Monster, wo Krawatta trägend
Alli mit eigener Meinig in Schatta zerrend
Machend, was sie segend, will mer denkend, dass mer müand
Anstatt mer lebend, will erkennend, dass es gnüagt
As git so viel, wo diar kann dini Zit vernichta
Gfanga in dr Matrix zwüschet Arbet und dr Flimmerkista
Und ufem Sterbebett verbrennt's di innerlich
Du hesch alles wella, doch nüt gmacht - damit sie zfrida sind
Alles, was du kriagsch, isch ei Mol dini Träum zum mitneh
Ohni Wiitsicht: Üsa Horizont, dä endet ufma Display
Lebemer wiana Maschina, denn simmer eswär
Passemer ina in iares System
Numa dia Seela, dia blibend denn leer
Es Gfängnis ohni Gitterstäb
Aber nüm mit miar, d Auga adaptiarend jetzt
Gsehn so klar wia nia, bis i mis Denkmol in dia Liader setz

As isch Ziit zum uufwacha
Ziit zum üsa Move macha
Mer wüssend: Das brucht Muat im Fleisch au
Doch bi üs kocht z Bluat im Kreislauf
Und bevor i Träum nu schiina lohn
Vertraui, dass dr Schmerz sich überwinda loht
Will Grenza sind zum überschriita do
Yes

I han min Weg verlora und da Liabsta Sorgana brocht
Schliassli zehn Johr imana Tüüfschlof wäga Droga verbrocht
Der ganzi Tag davoo bestimmt, dem Tüüfelskreis nüm entcho
Meh für Shit als d Buda uusgeh, numano übel aso
Han nüt in mi investiart, nur as Vermöga verprasst
Ischmer gliich gsi, woni's nüma han vermöga, i Spast
Numano so funktioniert und imana klara Moment
Numano ghüült weg ussichtsloser Lag und all da Problem
Han mi z'unterst in dem Loch doch wieder gfunda am End
Und mis Vermächtnis vu da Fehler in dia Wundana brennt
Dia Depression so überwunda, luag as rägnet grad nit
Doch i träg dia Narba in der Seel no ds Läba lang mit
Mini Bestimmig jetza gfunda, schriiba Gschichta für Geld
Mini eigana im Privata, d Nochrichta für d Welt
Fertig Schluss! I wacha uuf, hoff nu, das hebt bis z'letscht
I gsehn so klar wia nia, dass i miis Denkmol in dia Text dri setz

As isch Ziit zum uufwacha
Ziit zum üsa Move macha
Mer wüssend: Das brucht Muat im Fleisch au
Doch bi üs kocht z Bluat im Kreislauf
Und bevor i Träum nu schiina lohn
Vertraui, dass dr Schmerz sich überwinda loht
Will Grenza sind zum überschriita do
Grenza sind zum überschriita do

Drucka ds Bild am Fernseh weg, säga ciao zu Instagram
Was für a riesa Wert das het, wenn i d Welt nüm durch a Filter gsehn
Wacha n'uf, han dia roti Pilla gnoh
Lacha luut, mini Meinig nid vunra Show verstella loh
Diar muass bewusst werda, dass dis halba Läba verpennsch
Dass der mit der Sucht als Gwohnheit so viel äba verschenksch
Dass'd damit nu Ziit vergüüdisch, wo der keina meh git
Und dass der d Sucht letstendlich ds Läba einawäg nimmt
Drum kriag din Arsch hoch, flücha bringt nix
Kasch an da Start goh, wog en ersta würklicha Schritt
Also luag mol in dis Spiagelbild, a nüchterna Blick
Isch alls was' brucht, will d Wohrheit gseht a Süchtiga nit
Segmer was diis Seelheil nährt
Du muasch am Boda landa, gräderet, ohni wahri Potenz
Schlofa isch bequem, wach sii het en Mehrheitswert
Will damit sich was veränderet, brucht's dä klari Moment

As isch Ziit zum uufwacha
Ziit zum üsa Move macha
Mer wüssend: Das brucht Muat im Fleisch au
Doch bi üs kocht z Bluat im Kreislauf
Und bevor i Träum nu schiina lohn
Vertraui, dass dr Schmerz sich überwinda loht
Will Grenza sind zum überschriita do