Eier zeiga (feat. Hyphen & Nuts Cuts)

Du markiarsch da Platzhirsch - im Rampaliacht der letst, wo stoht
Doch wenn's richtig lästig wird, bisch du der erst, wo goht
Schmücksch di denn mit fremda Federa, doch damit nid gnuag
Du luagsch gad au dazua, dasses für andri nid tuat
Dina Minderwertigskomplex forderet halt
Dass du andri hindergohsch, indemna d Ordera falsch
Widergisch, zum besser dostoh - dina Masterplan
Vu somana Hinadura-Beta-Move verfallt aber bald
Wenn'd allna uf da Sack gohsch mit dim Eigaintressa
Du Penner kasch di uf fairi Wiis aber eifach nid messa
Mit Intriga und Kalkül kasch abfahra, vergessa
Diis Verhalta isch so hässlich wiana Schaba im Essa
Und as züügt au nid vu viel Courage, i warn di direkt
So Aug in Aug, vu Maa zu Maa und gar nid verdeckt
Hol der schleunigst as paar Eier ab und bhalt di bedeckt
Und nenn mi künftig Perry Cox: Han diar as Gratis-Rezept ¬- Bitch

Du wettisch dr Bescht si, dr Erscht sii, dr überall dr Mac si
Dr immer alli andera wia Kinder am behandla
Dr ussa-immer-Harti aber innerlich-Verreckti
Bad News Baby-Boy, du bisch dr Letschti
Du kasch jetz koh und säga, du läbisch no gera so
Doch das glaubt dr kaina. Kasch mr glauba, i bin ehrlich Bro
Jedesmol, wenn du bi Menscha muasch an d Grenza goh
Isch das a Schrei noch Liabi - wiana Ärzte-Song
Lohsch kai Gfühl zua - Pragmatiker shit
Dabii isch Zwüschamenschlichkeit aso wia Mathematik
Ai Hass plus ai Schlag gleich null Respekt
Und gleich Freud und Hoffnig futsch und weg
Drum mach dia Rechnig und merks dr
Schlecht sii isch hart - besser werda isch härter
Mach dia Fuuscht zur Hand und du wirsch stärker
Denn dr ainzig Schlag wo zellt, kunnt vum Herz her

Bisch du schlau setz d Eier a, nid wegschmissa
Damit was mit na azfoh weisch, han i dr a Checklista
Eier zeiga heisst: nid umaposa
Wetsch en Leader sie, denn hesch es offnigs Herz und offni Ohra
Ma suacht es Gspröch, es git kais Hinadura
Problem, dia packt ma ah. Nai, ma sitzt nid uma
Eier zeiga heisst, dass du kai Chicks verarschisch
Stohn din Ma und seg da Ladys gad mit Stil, was Sach isch
Es heisst für sini Jungs do sii und mitna wiiterziah
D Erfahrig, wo ma sammlet, dia vergisst ma nia
Eltra werdend g'ehrt, es Hoch uf a Familia
Ma hebt zu siner Frau - und zwor immer, Mann
Eier zeiga heisst: i stohn zu mina Fehler
Entwickla mi denn wiiter, aber bliib dabii mi selber
Es heisst: i kann dr d Hand geh nochma Striit
Es bedütet au es guats Vermächtnis z setza, wo denn bliibt