U6

U6

Gestan woan de Leid no mid da Tramway untawex
Heite foans am Liabstn olle nua mid da U6
Gründe gibt es vüle dass mas goa ned aufzön kau
Jetz kaufens einen Foaschein und dann schaun sie sich das au

De Kinesn de Jabana stengan scho barad
De brauchen keinen Stefansdom und auch kein Riesnrad
Die Müllvabrennung wunderschön und die Brigittenau
In Fluridsduaf da haum de Leid nua Dschoginghosn au

In da Ubaun sicht ma lauta wundabore Leid
Ana sitzt vua mia dea se de Finganägl schneid
De Finganägl springan greiz und gwea in gaunzn Wogn
A eigana Konfettiregn do kauma echt nix sogn

Heite sama olle untawex heite foama nua mit da U6
Heite gema uns de gaunze Fuhr mit Hamur tour-retour

De blade Resi mochd seid lezda Wochn a Diät
Drum foads nua mit da Ubaun weu duad fressn derfma ned
Doch auch fia dünne Menschen is die Fahrt sehr ideal
Weil da Platzbedarf is groß - owa das Angebot is schmal

Doch manchmoi is des Aussteign und des Eisteign ziemlich schwaa
Ich wollte in die Josefstadt bin gfoan bis Alterlaa
Doch wü ma amoi länga foan daun wird ma informiad:
Der Zug wird eingezogen - weil a eingezogen wird

Am Schönstn is es wema in da Menschnmenge steckt
Und wema dann ka luft mehr kriegt und glaubt das ma vareckt
Vom Vordermau de Nosnhoa de kaum ma ole zön
Und wos do in de Uan drin is - do braucht a boid an Fön

Heite sama olle untawex heite foama nua mit da U6
Heite gema uns de gaunze Fuhr mit Hamur tour-retour

Es riecht jetz in da Ubahn Gott sei Dank nima so schoaf
Seidem man hier kein Pizzadönakebab essen doaf
So sagte eine Dame doch da hörte man den Ruf:
Und söwa san se pafümiad ois wira gaunza Puff!

Am Abend in der Ubahn ja da lohnt sich der Besuch
Da kriegt man gratis wunderbaren Bierdosengeruch
Des Saufn is verboten weil es so geschrieben steht
Es wa ned Wien waun irgendwer des amoi glesn hätt

Das Innere des Wagens is bis heute unbekannt
Drum stengan ole ängstlich bei de Tiadln umanand
Da drinnen könnts gefährlich sein wer weiss was da passiad
Am Bestn wird es sein wema de Eingänge blockiert

Heite sama olle untawex heite foama nua mit da U6
Heite gema uns de gaunze Fuhr mit Hamur tour-retour

In der Früh zu duschen ja das wäre echt ka Schod
Doch offensichtlich habn die meisten Wiener halt kein Bod
Das Leiberl ja des schweisselt doch mia ziagns no amoi au
Mia foan jo ned ind Oper sondan nua zua Spittelau

Im Sommer liegn die meistn Wiena irgenswo am Meer
Da könnt ma endlich Ubahn fahrn da is es beino leer
Doch alle die drin sitzen jo de schwitzen ohne End
Weil die Klimaanlag hin is und des sicher bis Advent

Am Besten is ma raucht sich vor der Fahrt noch eine on
So habn die andren Fahrgäste dann auch noch was davon
De Jackn de ghead gwaschn doch das fällt uns halt so schwer
Denn kalter Rauch verströmt doch schließlich auch ein eignes Flair

Heite sama olle untawex heite foama nua mit da U6
Heite gema uns de gaunze Fuhr mit Hamur tour-retour

"De Menschn san so depat" sagt ein altes Mütterlein
"De sitzn ole do und schaun nur in ia Handy rein"
"Ich muss sie korrigieren" sage ich "ich bin so frei!"
"De suachn ole sicha nua den Weg zur Bücherei"

Am Westbahnhof da stengan tausend Menschn am Perron
Wos is do los gibts wieda so a Demonstration
De Ubahn hod Vaspätung ich komm nicht in mein Büro
Ein Fahrgast ist erkrankt des haßd der pickt scho irgendwo

De Oma mit de blaun Hoa duat lau telefoniern
Do kauma sie jo goaned auf die Heute konzentriern
Da Hamsta hod an Schnupfn und heit nocht gibts Ham and Eggs
Jo am fagaungnan Freitog woan mia zwa in da U6

Heite sama olle untawex heite foama nua mit da U6
Heite gema uns de gaunze Fuhr mit Hamur
Heite sama olle untawex heite foama nua mit da U6
Heite gema uns de große Chance
Und fragn jedn: Steign Sie aus?
Heite sama olle untawex...