1, 2 zum zweite Mol

Mir sin back, lueg black tiger und rony am schtart!
Face the facts: gnueg rappers sind leider nonig parat!
Mr bliibe und mache rap mit oder ohni vrtrag und rette somit di tag!
Homie, kum sag! hesch nit au gnueg vo däm ganze gepose?
Jede isch e krieger!? wo sin panzer uf dr schtroose?!!
Ich chill lieber und will bim tanze nüt loose
Vo wäge "billigi bitches" und "schwanz ineschtosse"
(das sind) gruusigi sieche, wo ohni musik nüt miechte
Aber waisch was? das intressiert uns e fiechte!
Mr wän hüt z'obe en obe, wo keine vrgisst
Und alli blibe bis zum schluss und sich keine vrpisst
Mir schriibe hüt gschicht
Und bliibe villicht bis jedi schibe iibricht... (klirr!!!)
S'huus isch nach 2 schtunde show immer no pumpevoll!
Keiet durre und schreiet: "und nomol"!!!

Wenn dr mathematik nit raffet, isch egal! schreiet
1 2 zum zweite mol
Gönt eifach ab zu däm beat! machets überall! schreiet
1 2 zum zweite mol
Ich lueg, dass i guet bliib und gang ab mit em saal
1 2 zum zweite mol
Ich tanz miini fiess bluetig und denn ab ins spital
1 2 zum zweite mol

Du willsch meh rap wo jede seit lägg es het kei zwägg
Die zwei mache kei drägg s'git nur ei wääg
Zum uusefinde wär dä style prägt rony und black
Mir gänn dr hammerharti beats für uf e heiwääg
Mir sin e gmisch unterschiidlig wie eh und je
Ghöre uf dr bühni glych zäme wie winter und schnee
Inzwüsche rocke mr sit zäh joohr näbenenander am mic
Und wüsse scho vorhäär usswändig was dr anderi seit
Mache zäme tracks und verbreite sy unterwäggs
Ghöre in dr schwiz bald zu de bekanntischte acts
Mir gänn euch was ihr bruuched wenn dr rap mit inhalt sueched
Clubs wüsse das mir beide party mache wenn sy uns bueche
Zum imene fette saal und vor'eme guete publikum schtoh
Lueg um di umme dä näbe dir luegt au grad zue wie'ni flow
Als rapper kasch vo dene brätter niemols gnueg bekoo
Bekömmed ihr vo uns nit gnueg denn kömmed zu unserer show

Wenn dr mathematik nit raffet, isch egall schreiet
1 2 zum zweite mol
Gönt eifach ab zu däm beat! machets überall! schreiet
1 2 zum zweite mol
Ich lueg, dass i guet bliib und gang ab mit em saal
1 2 zum zweite mol
Ich tanz miini fiess bluetig und denn ab ins spital
1 2 zum zweite mol

Ganz egal ob'd vom tal oder street bisch
Hörsch's überall, hesch kai wahl, wenn's e hit isch
Mir fülle jede saal total, wenn'd uns bittisch
Es wird guet, wenn i mitmisch. lueg nit so kritisch!