Rigs o' Rye

'Twas in the month o' sweet July
Before the sun had pierced the sky
'Twas in between the rigs o' rye
I saw twa lovers talking

Now, the lad says, "Lassie I must away
I have no longer time to stay
But I've a word or two tae say
Gin ye time tae tarry"

"Now, your faither o' ye taks good care
Your mother combs doon your yella' hair
But your sisters say that ye'll get nae share
If ye go wi' me, a stranger"

"Let my faither fret, let my mother frown
My sisters words I do disown
Tho' they were deid and below the ground
I would go wi' you, a stranger"

Now, the lad says, "Lassie, your fortune's small
And maybe it will be nane at all
You're no a match for me at all
Go and waste your love on another"

Now the lassie's courage began to fail
Her rosy cheeks they grew wan and pale
And the tears came trickling doon like hail
Or a heavy shower in the summer

Now, he's ta'en his handkerchief, linen fine
He's dried her tears and he's kissed her een
Saying "Lassie, lassie ye shall be mine
For I said it all to try ye"

Now the laddie being o' courage bold
A laddie scarce nineteen years old
He's ranged the hills and the valleys all
And he's ta'en his lassie wi him

He's ranged the hills and the valleys all
And he's ta'en his lassie wi him