Flop

Sie heis no einisch düregrächnet
Häb, chläb häregmechet
Ufgschtartet u scho dunge
Was nümm da isch in nümm ume

Es git nüt was es nid git
Vo vorn bis hinge geit's nid uf
Me chas dräie wie mes wott
Es isch alles nur e Flop

Es isch alles nur e Flop
Me chas aluege wie mes wott
Me het gmeint es sigi top
Obwohl dä Schrott gar nimer wott

Me hets düre diskutiert
Es Consulting kontaktiert
Investiert u saniert
Revidiert u dementiert

Yvernähmlech zrüggträtte
Single Malt u Sigarette
Jedi Chance ergriffe
Leider ohni Perspektive

U der Tüfu schysst
Gäng ufe glychlig Hufe
Für die einte geits ds'Loch ab
Für die angere geits ufe

Me het Härzbluet drzgäh
U wär git dä mues o näh
Morn fö sie vo vorne a
Oh wie schön isch Panama

Was dert isch isch nümm da
U me macht ja was me macht
Me cha mache was me wott
U glych droht der Bankrott

U der Tüfu schysst
Gäng ufe glychlig Hufe
Für die einte geits Bärgab
U für die angere geits ufe

Si hei jedi Chance ergriffe
Leider ohni Perspektive
Es blibt e Briefpapiermappe
U ne Donatoreloufchappe

Mit em Logo vom Abieter
Im Wappe

Me chas dräie wie mes wott
Es isch nach wie vor e Flop