Woar Ik Van Hol

Het is dreuge, vot de regen
De zunne schient op mien kop
De dag vandoage goud begonnen
Dus ik zet mien zunnebril op
Goud ontbeten, lekker stoetje
Dus ik moak mie nait te drok
Mooie klaaier, goie schounen
En dan zeg ik kom mor op

Want in t veurjoar, den bin ik op mien best
Of as t zummer is, bin nog laank nait tou aan kerst
Want as de zunne schient, den is t nait te kold
De zunne is woar ik van hol

Stap veur stap, over de poaden
De pas dij zit dr goud in
De natuur, wat mooie daaier
En ik heb t goud noar mien zin
Kom ik ain bekende teegn
Zeg ik moi of goiedag
En den mokken we eem n proatje
Goa ik verder, mit ain lach

Want in t veurjoar, den bin ik op mien best
Of as t zummer is, bin nog laank nait tou aan kerst
Want as de zunne schient, den is t nait te kold
De zunne is woar ik van hol

De blaauwe locht betrekt, dij wolk verpest mien zicht
Nou is mien zunne vot, verdorie wat is dit?
De zunne komt weer terug, dus nait zo sinkeneur
En wat men altied zegt, hol de kop der veur

Want in t veurjoar, den bin ik op mien best
Of as t zummer is, bin nog laank nait tou aan kerst
Want as de zunne schient, den is t nait te kold
De zunne is
De zunne is
O, de zunne is woar ik van hol