Dovì Spiegameo

Desso, cossa casso che penso?
Sbrisso basso e fasso el marso, se no te comoda alsa un brasso
Ma bravo, parlo arabo? Sito un tàngaro che se nega su un sgàparo
O un mona che se spalma so un albaro?
Inbotìo de medisine parchè te o ga dito el dotore
Patìo pal motore, te paghi fando el cameriere a ore
Dai beo siga, parchè eà xe sfiga
Mi come che eà riva eà nego co na bira
Asso che i rida e come che a passa ghe vegno in boca
Conosso ben eà rassa ma mi so na figura porca
Go eà cassada senpre fresca, ti co eà goea seca
Pensa, a mi eà me vien sensa 'ndare inserca
Issiero, vero che fate sachetare xe el me mestiero
Ma vero che massa se sacheta soeo che el mestiero
Cossa che sia? Me giro e i oci me se ponta dosso
Eò fasso anca da rosto, però de pi no posso

Dovi spiegameo, parchè proprio no ghe rivo
No stago insieme a chi te varda come un adesivo
Mejo pérdeo che trovarlo come amigo
Catàvo sto tesoro jero mi che eò sepeivo
Dovi spiegameo, parchè proprio no ghe rivo
No stago insieme a chi te varda come un adesivo
Mejo pérdeo che trovarlo come amigo
Catàvo sto tesoro jero mi che eò sepeivo

Mi? Mai in xanocio, che ghe sbocio
Casomai sbatocio, mai soto torcio
No se torna indrìo, no xe finìo
No xe che l'inissio del mio, no so se se ga capìo
Senpre pronto, senpre al me posto
Se fusse senpre agosto saria senpre a rodoear del rosto
Ancora cuà, gnancora copà, ancora pi infoià
E ancora forse no so se me so gnancora ben spiegà
Come so l'arzare, bevare come ridare
So come scrivare ste robe, si, ma a ste robe come resistare?
Cossa vuio? Mi no so cossa! Calcossa me ga da na smossa
E calcossa eò so xa che no scavarà eà me fossa
Specie a cuéi come mi, specie che beve vin
Me fasso specie che ve specié e dopo no ve riconossì
Sora de tuto cuà e sora de tuto no se se sora
Chi xe dessora se eò sogna che me dissolva come na scora

Dovi spiegameo, parchè proprio no ghe rivo
No stago insieme a chi te varda come un adesivo
Mejo pérdeo che trovarlo come amigo
Catàvo sto tesoro jero mi che eò sepeivo
Dovi spiegameo, parchè proprio no ghe rivo
No stago insieme a chi te varda come un adesivo
Mejo pérdeo che trovarlo come amigo
Catàvo sto tesoro jero mi che eò sepeivo

No xente imbaeà che sbàea e pa dieze ore bàea
"So in bàea" - ma conteghea a naltro sta bàea
Dai mandiboea, cavate via da eà me spàea
Chi che se caga dosso, xe giusto che se a spàea
Capire? Go sercà, porto pasiensa, sì
Ma co na serta selta te sacheta sensa che te vaghi inserca?
Conto so cuéi come mi e conto cuéi come mi
Go torno cuéi come mi, ma cuanti xei come mi?

Dovi spiegameo, parchè proprio no ghe rivo
No stago insieme a chi te varda come un adesivo
Mejo pérdeo che trovarlo come amigo
Catàvo sto tesoro jero mi che eò sepeivo
Dovi spiegameo, parchè proprio no ghe rivo
No stago insieme a chi te varda come un adesivo
Mejo pérdeo che trovarlo come amigo
Catàvo sto tesoro jero mi che eò sepeivo