El Salto Dea Cuaja

El xe uno de che i sabi de sera come pochi
Che pa 'ndare via devo tirare cuàtro porchi
Femo sbraxe come on kamikaze
Partimo driti come stase e tornemo a 90 come e soase
E gnanca faeo a posta cuasi rivài
On stronseto me varda: ma come sio ciapài?
Semo ciapài benon, ma no passùi
Ti tote a machineta pa fate i cassi tui
Se vardemo e via, come se no'l ghe fusse
Tirai no so parché da dee strane spusse
E vai che stasera se pastura
Ma se vardemo in giro e capimo che eà xe dura
Uno col muso coeore de na sbrixa
Coeana de oro al coeo e peo fora daea camixa
El me varda come dire: io non ti saluto
Mi eò vardo come dire: ma ti che casso vuto?

Mi te o se, me piase 'ndar de sbrindoeon
In testa go na roba e in scarsea na guarnission
Te o se non se sa mai che dee volte no me sbaja
A mi come a ti me piaxe el salto dea cuàia
Dai ahn, taja pa no dire no pensavo, no savevo
No ghe iero, e se ghe iero no credevo
Iero imbatonìo e so sicuro che no go sentìo
Gheto capìo, gheto capìo

Baemo al centro, ma un umido e un sofego
Spusa da salvadego, cadavaro e rumatego
E gnente, tanta xente, beo el posto
Abronzai, bruxai come on poeastro rosto
Sti bei soeo vederli, do bae come canederli
El mejo de sti cuà se neta el muso co eà Tenderly
Ohi, ma so sto posto ghe xe soeo che omani
Bevemosse calcossa che me gira xa i cocomari
Al bancon na marantega vestìa da domenega
Co i oci eà me sustega ma no eà me stussega
"Varda, so cuà pa fare on giro coi fioi
Te dago cuéo che te voi, basta che te me moi"
Ma a eà tosata no eà ghe passa, ghe piase fare eà sprota
"Mi ricordo che una volta li sceglievano alla porta!"
Me giro da me amigo: i ga verto eà staea
Varda, stasera ghe xe anca na cavaea

Mi te o se, me piase 'ndar de sbrindoeon
In testa go na roba e in scarsea na guarnission
Te o se non se sa mai che dee volte no me sbaja
A mi come a ti me piaxe el salto dea cuàia
Dai ahn, taja pa no dire no pensavo, no savevo
No ghe iero, e se ghe iero no credevo
Iero imbatonìo e so sicuro che no go sentìo
Gheto capìo, gheto capìo

Ma a sto punto riva el beo, che po sarìa so moroso
Tuto tirà, molto grosso e muscoeoso
"De cossa veto inserca? Vuto te inbareta?
Vien fora do minuti, la go amighi che me speta"
Ma varda che xe mejo star lontani dal parchejo
Stemo pure cuà che xa eò so che me incatejo
Butamene naltro, finché no so agro
E dopo naltro e naltro fasso un fià de teatro
So co na conpagnia che te toca dir de sì
E dopo dieze brindisi fasso come i simizi
Vago indrioschina co e ganbe a rabaltòn
E no stame pi ciamàre che parlare no so bon
Rido, e co go finìo rido ancora
E vanti che ghe moea bisogna che i me porta fora
Tre so tre co eà pionba e i polmoni incatramà
Ma moeghe na sc-iantina e varda chea tosata là!

Mi te o se, me piase 'ndar de sbrindoeon
In testa go na roba e in scarsea na guarnission
Te o se non se sa mai che dee volte no me sbaja
A mi come a ti me piaxe el salto dea cuàia
Dai ahn, taja pa no dire no pensavo, no savevo
No ghe iero, e se ghe iero no credevo
Iero imbatonìo e so sicuro che no go sentìo
Gheto capìo, gheto capìo
Mi te o se, me piase 'ndar de sbrindoeon
In testa go na roba e in scarsea na guarnission
Te o se non se sa mai che dee volte no me sbaja
A mi come a ti me piaxe el salto dea cuàia
Dai ahn, taja pa no dire no pensavo, no savevo
No ghe iero, e se ghe iero no credevo
Iero imbatonìo e so sicuro che no go sentìo
Gheto capìo, gheto capìo