O Sapunariello (Live)

Eramo cient'e sirice pezziente; e ndimbimbò
Facetteme nu tuocco pe' vede'; e ndimbimbò
Chi mmiez'a nnuje asceva presidente; e ndimbimbò
E, manc'a dirlo, 'o tuocco ascette a me! E ndimbimbò, e ndimbimbò

Ih che tramuntanella seriticcia ca se n'è scesa dint'a nu mumento!
Si mo tenesse 'o ppoco r'a pelliccia, starria a cavall, accidarria stu viento
Ma stracquo, strutto, annur' e muorto 'e famme, chistu vient' comm'ô 'cciro, pe' sape'?
"Sarà tutt'o ccuntrario, cor'e mamma". Chisà qua' juorno 'o viento accire a me

E intanto 'o delegato e tutt'e guardie vanno piglianno 'a gente 'e malavita
Malavita, capit? Accussì 'a chiammanno!
Addo'?! Si invece chella è bbonavita!
Chella è gente ca magna e ca veve, cu carrozze, triate, scampagnate cu cocotte, etceveza etceveza
E chesta è malavita? Ma ve ne jate o no!?
'A malavita autentica, chell'over', è chella ca facc'io, cu sta miseria
Chest è la malavit!
Eppure l'autr', chill'at' che chiamman' sciammèrie hann'a soddisfazion' ca s'è portan' in galera
E io invece niente, nun c'è cche ffà! No! Non ridete pecchè nun so' ccose 'a rirere
Chella è 'o ver' na comodità, pecchè 'o carcer' è semp' nu bell'impieg' governativ' ca vann'a tenè
Là o chiove o fann' 'e tronnole o fa 'a tempest devi avere il vestito a quadrigliè, il letto, la zuppa e via scorrendo
E all'urdim' in estate, p'o Ddie ca si stat' ô ffrisc'
Pecchè llà ddint' ô ffrisc' stai sul serio pe tutt' che s' chiamm' San Francisc'

Già sta schiaranno n'atu juorno, 'a faccia mia!
Comme fosse che aggio fatto? Ll'uovo?!
Ciorta, cio', caccia nu poc' 'a cap' quand' t' sput' 'nfaccia
A notte, p'o Mercato e 'a Vicaria, che è na pezza vecchia? Nun 'a trovo!
Tenevo na lanterna e s'è stutata: mo chiuro 'o magazzino e "bonsuarè"!
E me ne vac' a casa add'â cecata ca n'uocchio tene e 'ha miso 'ncuollo a mme

Si fosse n'ommo ca tenesse 'a pezza; e ndimbimbò
Facesse bene ma, mannaggia 'a ciorta; e ndimbimbò
Che vuo' fa' bene, si na ddiece 'e pezza; e ndimbimbò
Mo nun 'a tengo manco dint'a sporta? E ndimbimbò, e ndimbimbò

Ormai s'è capito: è 'o Pataterno ca tene 'a rota 'e chisto munno 'mmano
E 'a fa gira' accussì, accussì e accussì
S'ha da stracqua'!
E po' 'a fa gira accussì, accussì e accussì
Ie aspetto c'avota nu poco 'o munno 'a parta mia

'O mare e 'a rena!
E bona sera a chi rummane!