Rokk og Cha Cha

Hann var ungur og átti heima í bænum
Alltaf var hann á ralli nótt og dag
Hann var sendur í sveit í einum grænum
Svo á hann kæmist lag

Því þar bjó gamall bóndi sem að átti
Nokkurt bú sem hann rak af mestu snilld
Og með hörku hann hafði alltaf stjórnað
Hjúum eftir vild

Svo kappinn kom í mjólkurbílnum
Um kvöld í nóvember
Og kvaðst hér kominn til að vera
Með kurt sem vera ber

Honum fannst þarna frekar dauflegt vera
Sem víst furða ekki nokkur var
Því að alltaf hreint eitthvað var að gera
Og annast skepnurnar
En bóndinn átti unga og káta dóttur
Sem álitleg mjög og fögur var
Hana langaði til að læra að dansa
Svo létt, og hann var þar

Og svo fóru þau saman ein í fjósið
Því að þá þurftu kýrnar tugguna
Og í auðum bás þau æfðu að dansa
Rock og cha cha cha

En karlinn komst að þessu öllu
Og kvaðst ei vilja það
Það væri best að brátt hann færi
Á burt. Já nema hvað?

Og svo er hann nú kominn hingað aftur
Og hún ein má nú hirða gripina
Og hún aldrei oftar fær að dansa
Rock og cha cha cha
Rock og cha cha cha
Rock og cha cha cha