Like A Rolling Stone - Allan wia a Stan - Wienerisch-kölsche Spezialversion Live

Vua langer Zeit, woast so elegant
und host no glaubt, du bist wos Besser's, is' ned woa?
Und wann wer g'sogt hod, pass bitte auf,
dann host nua g'locht, weu des fia di so lustig woa.
Du host di lustig g'mocht,
olle andern host laut aus'glocht,
oba jetzt schau, wohin hod di des b'rocht,
jetzt lochst nimma, und I hob di im Vadocht,
dass'd di aufreiß'n lost auf da Stroß'n
um an Opfe und a Ei -
wia fühlst di dabei?
sog wia fühlst die dabei?
So zwisch'n ans und zwa,
so ganz und goa allan,
so allan wia a Stan.

Du woast auf de feinst'n Schul'n host ma g'sogt,
oba dort hob'ns da nua des Hirn varruaßt.
Du host nie g'lernt, wie ma übalebt,
oba jetzt siechst ein, dass'd es doch amoi lernen muaßt.
Du sogst, du mochst kan Kompromiß,
und du waßt wos foisch und wos richtig is.
Oba du suachst nur Alibis
fia wos, wos ned zum entschuidig'n is.
Du loßt di auf an g'fährlich'n Hand'l ein.
Wie fühlst di dabei...
ja, wi fühlst di dabei?
So zwischen ans und zwa
so ganz und gar allan
so allan wia a sta

Du host di nie 'kümmert um de Leit,
die gezwungenermoß'n aus da Reihe foin.
Und de davon leb'n, dass'di unterhoit'n, oba du
wolltest nie de Rechnung zoin.
Du wolltest sein de Superfrau,
von den Karrieremann.
Is' ned oag, wia ma si täusch'n kann,
es woa scho aus, do host du g'laubt, es fangt erst an,
und es Leb'n is fia di nur mehr a anzige Schinderei.
Wie fühlst die dabei... ja wie fühlst di dabei
so zwischn ans und zwa
so ganz und goa allan
allan wia a stan

Du woast a Prinzessin fia de Leit,
de nix außer Sauf'n und teppert Schmäh fian tan.
De sich beschenk'n mit wertvollen Dingen,
oba dir schenk'ns nix mehr, weu's bes auf die san.
Du host imma glaubt, du muaßt di scheniern
fia de Leit dest kennst und de si anders aufführ'n.
Jetzt brauchst ihre Hilfe, um ned zu krepier'n.
Wann ma nix hod, hod ma nix zu verlier'n.
Und trotzdem glaubst immer no, es geht amoi vorbei -
doch wia fühlst di dabei...
ja wie fühlst di dabei
so zwischen ans und zwa
so ganz und goa allan
so allan wia a Stan...