Sem Valor

Oiá vida esbanjod sem valor
Moda folha sec na outon ta cai
Ta voá um hoje outr manhã
Na indiferença ninguém ta para
Mund ta continua sê curs
Vida ta continuá ta passa na nos frente tud dia

Vida ca ta dod sê devid valor
Dia ta passá ninguém ta oiá sê côr
Moda mar sem azul
Arvore sem verde
Gent ta vrod pa nôs centre

Fidj ta odiá sês mãe
Pai ta nega ses fidj
Irmon ta da cob irmon
Vida oi, vida oi iaia ta sem valor

Senhores ta passa tud dia na sês poltrona
Ta luta pa um cent qui ta falta na sês milhon
Esh ta passa derriba de tud alguém qui travessa na sês camim
Sês poder ê lembrod na tud mund
Sês riqueza ê invejod pa tud gent

Ah cumpad
Dia sta ta tchiga qui nem bô fome nem bô sede bô pudi sacia
Tanto dinhero tanto poder
Cu terra secu, cu terra infértil dinhero perde se valor
D'nada el ta valeb
Nada el pode cumpra
E agora quel tesouro juntado na terra
El ca ta passa di palha
El ca ta sirvi pa salvabo
El ca ta presta nem pa saciabo
Tanto tempo passado escravo dess riqueza
Tanto tempo escravo dess ambição

Bô sabe vida ta sem valor
Moda um pagina de livro em branco
Nada el tem pa dzê