Haases Pflosta

Da Fleck
In da Einfahrt
Schaut aus
Wia a eintrickats Bluat
Des woa da Müzriß
Heut noch viere
Da Schindler Bua
Hat an Anfall kriagt
Wegen nix
Wegn an foischn Wuat
Da Trafikant
Dazöht de Schlagzeiln
Ea woa auf sein'm Fenstaplotz
Mit dabei
Da Müzriß
Des woa a ka Guada
Oba des Schindler-Gfraßt
Hod scho ois Bua
Mit'm Flobertgwehr
Auf de Taubn gschossn
Und auf oide Leit

Na des Lebn is ka Spaß
Und des Pflosta is haß
Do, bei mia daham
Bei mia in da Gassn

Jo und do drübn
Do woa amoi a Repassierstubn
Dann späta
Da Frau Gerti ihr
Stricksalon
Jetzt gibt do a
Ewiche Studentin
Stunden
In Französisch
Und Griechisch
Gegn Aufpreis a
In an strengeren Ton
In ihrer Auslog schlogt
A Herz aus rote Liachta
Oba a Herz wia des
Schlogt do ned lang
Da Türk obn am Eck
Hod a miaßn zuasperrn
Sei Kebbab hams g'fressn
Nur eam haum's net woll'n
Weu er ned so woa
Wia ma is do am Grund

Na des Lebn is ka Spaß
Und des Pflosta is haß
Do bei mia daham
Bei mia in da Gassn

Heit fliagt a Fernseher
Aus'm Fensta
Weu de Vienna
Hod scho wieda valuan
Und wann da Schestak sei Oide
Birnt und beidlt
Daunn waßt es ist Samstog
Und noch ana Wochn Hockn
Hot er endlich Zeit
Fia sein eiganan Zurn

Na des Lebn is ka Spaß
Und des Pflosta is haß
Do bei mir daham
Bei mia in da Gassn

Na des Lebn is ka Spaß
Und des Pflosta is haß
Do bei mir daham
Bei mia in da Gassn