Schön

roll für mich dis yoga-mätteli uus

us minre chuchi gsehni abe uf es hallebad
en chliine pool und no paar fitnessgrät
und immer wänn i lueg, egal öb morge oder zaabig spat
hockt si uf me velo und macht kilos wäg

si wott schöner werde, so vill schöner werde
lauft und lauft uf dem band
si wott schöner werde, so vill schöner werde
als alli fraue im land

si isch schön, schön, schön so schön
doch es git niemert wo si gseht

si nimmt d händsche und druckt hantle uf de hantelbank
scho am morge wänn i kafi mahl
dehnt si i de leggins jedi sehne hine a de wand
abe in spagat am spaate namitag

ich lueg si aa mit ihrem lache, ihrne lange haar
mit ihrne lippe wo bim ruedere zittered
sie trainiert und trainiert bis keis tram me fahrt
macht yoga, bevor d vögel dusse zwitschered

si wott schöner werde, so vill schöner werde
lauft und lauft uf dem band
si wott schöner werde, so vill schöner werde
als alli fraue im land

si isch schön, schön, schön so schön
doch es git niemert wo si gseht

roll für mich dis yoga-mätteli uus
ich sitz am feister scho am morge, lächle der zue
du bisch so wunderwunderschön, au wänn die dusse das nöd gsehnd
tob dich für mich uf dim yoga-mätteli uus

ich weiss du machsch das nur für mich, nur für mich, honey
wil es git niemert wo dich gseht usser ich amigs
wil du bisch so vill i dim fitnesscenter
dass niemert meh dich gseht, ussert ich a dim lieblingsfeister