صوتك

ألو (أيوة مين)
نسيتى صوتي ولا أية؟ (لا بس)
كل ما أفكر أن اليوم ده هيعدي علينا وأحنا مش مع بعض بموت
وحشتيني قوي، إحنا ممكن نكون سيبنا بعض بس أنا حاسس أن أحنا هنرجع، صح؟
طب أنتي فاضية؟ ينفع أكلمك بعدين؟ (أكلمك، كده)

صوتك، متغير كدة ليه؟ في حد جنبك، ولا إيه؟
خلاص فهمت وهقفل، بس قبل ما أقفل سلميلى عليه

وقوليله يأخد باله منك زي ما كنت أنا بخاف عليكي
ويحاول على قد ما يقدر يحميكي ويحافظ عليكي
وقوليله يأخد باله منك زي ما كنت أنا بخاف عليكي
ويحاول على قد ما يقدر يحميكي ويحافظ عليكي

ما تجيبي بوسة بقى
أنت إنسان ما بتفكرش غير في نفسك وخلاص
ما تضحكيش على نفسك
أنتي اللي عايزة تكسبي كل حاجة وما تخسريش ولاحاجة

ليه عملتي كده مع واحد حبك كده؟
كان كل ذنبه إنه أداكي، كل ما عنده وخلاكي
أغلى ما عنده وفي الآخر، تبقى نهايته كده

فرحانة، باللي جنبك طبعًا
ما هو زيك وشبهك فعلًا
بكره هيعمل فيكي زي ما عملتي كده

وقوليله يأخد باله منك زي ما كنت أنا بخاف عليكي
ويحاول على قد ما يقدر يحميكي ويحافظ عليكي

يا سلام
أنا قولتلك مش هتنزلي، والله ما أنتي نازلة
وبعدين إية اللي أنتي كنتي لابساه إمبارح ده

يا بنتي إنت غاوية نكد
ما قولتلك ما أعرفهاش
والله العظيم ما أعرفها
مش هقفل أقفلي أنتي الأول

يا حبيبي عشان خطري أقفل أنت الأول بقى
مش قادر أقفل وأنتي عالخط
وأنا كمان، طب نقفل مع بعض
بقولك إيه (مم؟) بحبك

وقوليله يأخد باله منك زي ما كنت أنا بخاف عليكي
ويحاول على قد ما يقدر يحميكي ويحافظ عليكي