Araluva Hoove (From "My Autograph")

ಅರಳುವ ಹೂವುಗಳೇ ಆಲಿಸಿರಿ
ಬಾಳೊಂದು ಹೋರಾಟ ಮರೆಯದಿರಿ

ಅರಳುವ ಹೂವುಗಳೇ ಆಲಿಸಿರಿ
ಬಾಳೊಂದು ಹೋರಾಟ ಮರೆಯದಿರಿ
ಬೆಳಗಿನ ಕಿರಣಗಳೇ ಬಣ್ಣಿಸಿರಿ
ಇರುಳ್ಹಿಂದೆ ಬೆಳಕುಂಟು ತೋರಿಸಿರಿ
ನಾಳೆಯ ನಂಬಿಕೆ ಇರಲಿ ನಮ್ಮ ಬಾಳಲಿ
ಗೆಲ್ಲುವ ಭರವಸೆಯೊಂದೇ ಬೆಳಕಾಗಲಿ
ಮನವೇ, ಓ, ಮನವೇ, ನೀ ಅಳುಕದಿರು
ಮಳೆಯೋ, ಬರಸಿಡಿಲೋ, ನೀ ನಡೆಯುತಿರು

ಮನಸು ಎಂಬ ಕನ್ನಡಿಯು ಒಡೆದು ಹೋಗಬಾರದು
ಬಾಳು ಒಂದು ಗೋಳು ಅಂತ ಓಡಿ ಹೋಗಬಾರದು
ಯಾರಿಗಿಲ್ಲಿ ನೋವಿಲ್ಲ?
ಯಾರಿಗಿಲ್ಲಿ ಸಾವಿಲ್ಲ?
ಕಾಲ ಕಳೆದ ಹಾಗೆ ಎಲ್ಲಾ ಮಾಯವಾಗುವಂಥದು
ಉಳಿಪೆಟ್ಟು ಬೀಳುವ ಕಲ್ಲೇ ಶಿಲೆಯಾಗಿ ನಿಲ್ಲುವುದು
ದಿನ ನೋವ ನುಂಗುವ ಜೀವವೇ ನೆಲೆಯಾಗಿ ನಿಲ್ಲುವುದು
ಯಾರಿಗಿಲ್ಲ ಅಲೆದಾಟ?
ಯಾರಿಗಿಲ್ಲ ಪರದಾಟ?
ನಮ್ಮ ಪ್ರತಿ ಕನಸು ಇಲ್ಲಿ ನನಸಾಗೋ ಒಳ್ಳೆ ಕಾಲವು ಮುಂದೆ ಇದೆ
ಮನವೇ, ಓ, ಮನವೇ, ನೀ ಕುಗ್ಗದಿರು
ಬೆಟ್ಟ, ಬಯಲಿರಲಿ ನೀ ನುಗ್ಗುತಿರು

ಅರಳುವ ಹೂವುಗಳೇ ಆಲಿಸಿರಿ
ಬಾಳೊಂದು ಹೋರಾಟ ಮರೆಯದಿರಿ

ನೋವು-ನಲಿವು ಅನ್ನೋದು ಬಾಳ ರೈಲು ಕಂಬಿಗಳು
ನಡುವೆ ನಮ್ಮದೀ ಪಯಣ, ನಗುತ ಸಾಗು ಹಗಲಿರುಳು
ಏನೇ ಬರಲಿ ಬಾಳಿನಲಿ, ಧ್ಯೇಯ ಒಂದು ಜೊತೆಯಿರಲಿ
ಏಳು-ಬೀಳು ಎಲ್ಲಾ ದಾಟಿ ಏಳುತೀವಿ ನಾವುಗಳು
ಅವಮಾನ ಎಲ್ಲರಿಗುಂಟು ಈ ಲೋಕದ ದೃಷ್ಟಿಯಲಿ
ನಾವೆಲ್ಲರೂ ಎಂದೂ ಒಂದೇ ಆ ದೇವರ ಸೃಷ್ಟಿಯಲಿ
ಬಾಳಿಗೊಂದು ಅರ್ಥವಿದೆ, ಹೆಜ್ಜೆಗೊಂದು ದಾರಿಯಿದೆ
ನಿನ್ನ ಆತ್ಮಬಲ ನಿನ್ನ ಜೊತೆಯಿರಲು ಆಕಾಶವೇ ಅಂಗೈಲಿ
ಮನವೇ, ಓ, ಮನವೇ, ನೀ ಬದಲಾಗು
ಏನೇ ಸಾಧನೆಗೂ ನೀ ಮೊದಲಾಗು

ಅರಳುವ ಹೂವುಗಳೇ ಆಲಿಸಿರಿ
ಬಾಳೊಂದು ಹೋರಾಟ ಮರೆಯದಿರಿ
ಬೆಳಗಿನ ಕಿರಣಗಳೇ ಬಣ್ಣಿಸಿರಿ
ಇರುಳ್ಹಿಂದೆ ಬೆಳಕುಂಟು ತೋರಿಸಿರಿ
ನಾಳೆಯ ನಂಬಿಕೆ ಇರಲಿ ನಮ್ಮ ಬಾಳಲಿ
ಗೆಲ್ಲುವ ಭರವಸೆಯೊಂದೇ ಬೆಳಕಾಗಲಿ
ಮನವೇ, ಓ, ಮನವೇ, ನೀ ಅಳುಕದಿರು
ಮಳೆಯೋ, ಬರಸಿಡಿಲೋ, ನೀ ನಡೆಯುತಿರು