Funkuglitzer Schärbe

Irgendwie verseit hie mis System und macht nid mit
I gloube das mer morn am Morge stärbe
Lige hingen im ne Bunker und ha irgendwie ke Bock
U si verteile doofi lüchtorangschi Mäntle

Jede Morge wirden i so gweckt
Vo me Hörbuech wo bi mir im Player steckt
Dert druffe redt e Typ über wi di Wäut vergheit
Immer aui stärben oder d Wäut ungergeit
I warten uf nes Zeiche dases ändlech e sowyt isch
Bini ufem Wäg id Wäut gsehnis ender kritisch
Ringsum färbe sech di Blätter langsam rot
Gheien ufe Boden u sy morn am Morge tot
Im Hingergrund glüeht der Horizont
Wi geits äch däm wo itz grad dert hinge wohnt
Au di Vorstellige bohre sech i Gring
Irgendwie viu z'wyt inn, viu viu z'wyt inn
I gloube nid ah das woni gloubt ha
Und au di Sicherheitsgfüeu woni bbout ha
Morn sy mer Huut u Fätze
Irgendöbbis wott mer d Huut wägätze

Aus geit hie kabutt wines Glas Roten a der Wang
Es macht mi mängisch e so truurig das mer stärbe (stärbe stärbe)
Mach doch aues was du wosch mir heis ja glych nüm i der Hang
I leg mi i di Funkuglitzer Schärbe

Rede mer mau gschyder über di
Oder vilech rede mer mau gschyder eifach nid
Mir wird langsam sturm wüui d Druckwälle gspüre
Es chunt e Meteor hinger graue Wulche vüre
Irgendwie schauti mau ab
Wünsch mer gueti Besserig, i haute mi nid dra
Wärdet dir doch schöner, grösser, rycher u modärner
Dir wärdet dranne stärbe, dir wärdet dranne stärbe
Wärde dranne stärbe, färbe d Ärde rot wi Lava
Plötzlech isch di ganzi Wäut e rise insle Java
Rett du mau di Arsch wüu i gloub i rette mine
Mir trätten i ne Mine, liebi Lüt, trättet ine
Isch der letscht Humpe Mann, vorem Untergang
Usem Hampumaa wird e Humpumaa
Es wird suure Räge rägne über d Äbene
Mir si äuä nid di letschten Überläbende

Aus geit hie kabutt wines Glas Roten a der Wang
Es macht mi mängisch e so truurig das mer stärbe (stärbe stärbe)
Mach doch aues was du wosch mir heis ja glych nüm i der Hang
I leg mi i di Funkuglitzer Schärbe
Aus geit hie kabutt u nes zerrinnt i üser Hang
Wi sang und klanglos verschwindet üsi Ärde
Mach doch aues was du wosch mir heis ja glych nüm i der Hang
I legge mi zu dir und dänk a ds stärbe

Aus geit hie kabutt u nes zerrinnt i üser Hang
Wi sang und klanglos verschwindet üsi Ärde
Mach doch aues was du wosch mir heis ja glych nüm i der Hang
I legge mi zu dir und dänk a ds stärbe
Aus geit hie kabutt wines Glas Roten a der Wang
Es macht mi mängisch e so truurig das mer stärbe (stärbe stärbe)
Mach doch aues was du wosch mir heis ja glych nüm i der Hang
I leg mi i di Funkuglitzer Schärbe
I stah vor me Krater mit paar Drogen i der Hang
Im ne lüchtorangsche Mantu bringi Ärde
Wieso wird mir ersch itz bewusst das aus woni ha gha
I hätt äuä glych no glücklech chönne wärde