Kei Sinn

S isch wi di Plastikverpackig vo elektronischem Chlykram
Au hasse dä Plastik aber glych ischs ja ihpackt
Im Club ar einte säge s sig e Stärn vom Himmu gheit
U när am nächschte Tag merke dass e angeri hesch gmeint
Amne Ching Sex erkläre mit de Biendli u so
Und äs luegt ganz verwirrt uf sini Sexvideos
S isch wi Vieregg male, und ine Kunschthalle steue
Und de Lüt när irgendwelche Quark zum Läbe verzeue
S isch wi um d Wäut flüge zum ne Klimafium dräie
Wi e Super-Bio-Gurke-Kiwi us Neuseeland
S isch wi im Migros itze mau di Tragtäsche choufe
U när deheime vergässe, ufem Tragtäschehuufe
Und aui frage sich wieso mer das eso mache
U mir, mir frage üs wieso mer das eso mache
Und viu frage ob mer äch vo däm chönni läbe
U mir chöi säge "He, haha, ööh"

Nei s macht kei Sinn
Es isch würklech ussichtslos u blöd
Und oh nid nachhautig
Au di Musig, wode ghörsch
Nei s macht kei Sinn
Es isch würklech brotlos und das aus
Isch o nid gsundheitsfördernd
Merci glych füre Applous

Es isch wi finge itz e Shot sig no ne gueti Idee
U sich de schwöre, nächste Friiti trinki nume no Tee
S isch wi d Durchsag im Zug, i öbbe 15 Sprache
Vom ne Typ am Mikrofon wo keini cha
Wi dr Zahnarzt wo der e haube Wärchzügkoffer is Muu steut
U sini Finger, u der anduurend Fraage steut
Wi Ratgäberbüecher über besser läbe u so
När ihpenne, s Läbe wär so längwilig so
S isch wi ihre no e Tapasbuech schänke zur Wiehnacht
S isch wi mi duurend fraage obi über das es Lied mach
S isch wi Toblerone, mmmh i ha di Kante so gärn
S isch wi di verdammt ewig roote Ample vo Bärn
Wi dr Nutzer fraage ober d'AGB's het akzeptiert
Klar hanis gläse, ha jedi Zile kapiert
Wi e Live-Stream wider über d Rigi loufet
Über Chemtrails referiere und derzue e Zigi rouche

Nei
Dass isch würklech ussichtslos u blöd
Und oh nid nachhautig
Au di Musig, wode ghörsch
Nei s macht kei Sinn
Es isch würklech brotlos und das aus
Isch oh nid gsundheitsfördernd
Merci glych füre Applous
Nei s macht kei Sinn
(Nei s macht kei Sinn)
Nei s macht kei Sinn
(Nei s macht kei Sinn)
Nei s macht kei Sinn
(Nei s macht kei Sinn)
Nei s macht kei Sinn
(Nei s macht kei Sinn)
Nei s macht kei Sinn
(Nei s macht kei Sinn)