Mere Mehboob Tujhe

میرے محبوب تجھے
میری محبت کی قسم

میرے محبوب تجھے
میری محبت کی قسم
پھر مجھے نرگسی آنکھوں کا سہارا دے دے

میرا کھویا ہوا رنگین نظارہ دے دے

میرے محبوب تجھے
میری محبت کی قسم

بھول سکتی نہیں آنکھیں وہ سہانا منظر
جب تیرا حسن میرے عشق سے ٹکرایا تھا
اور پھر راہ میں بکھرے تھے ہزاروں نغمے
میں وہ نغمے تیری آواز کو دے آیا تھا
سازِ دل کو انہی گیتوں کا سہارا دے دے

میرا کھویا ہوا رنگین نظارہ دے دے

میرے محبوب تجھے
میری محبت کی قسم

یاد ہے مجھ کو میری عمر کی پہلی وہ گھڑی
تیری آنکھوں سے کوئی جام پیا تھا میں نے
میری رگ رگ میں کوئی برق سی لہرائی تھی
جب تیرے مرمریں ہاتھوں کو چھوا تھا میں نے
آ مجھے پھر انہی ہاتھوں کا سہارا دے دے

میرا کھویا ہوا رنگیں نظارہ دے دے

میرے محبوب تجھے
میری محبت کی قسم

میں نے ایک بار تیری ایک جھلک دیکھی ہے
میری حسرت ہے کہ میں پھر تیرا دیدار کروں
تیرے سائے کو سمجھ کر میں حسیں تاج محل
چاندنی رات میں نظروں سے تجھے پیار کروں
اپنی مہکی ہوئی زلفوں کا سہارا دے دے

میرا کھویا ہوا رنگین نظارہ دے دے

میرے محبوب تجھے
میری محبت کی قسم

ڈھونڈتا ہوں میں تجھے ہر رہا میں، ہر محفل میں
تھک گئے ہیں میری مجبور تمنا کی قدم
آج کا دن میری امید کا ہے آخری دن
کل نہ جانے میں کہاں اور کہاں تو ہو صنم
دو گھڑی اپنی نگاھوں کا سہارا دے دے

میرا کھویا ہوا رنگین نظارا دے دے

میرے محبوب تجھے
میری محبت کی قسم

سامنے آ کے ذرا پردہ اٹھا دے رخ سے
اک یہی میرا علاج غم تنہائی ہے
تیری فرقت نے پریشان کیا ہے مجھ کو
اب تو مل جا کہ میری جان یہ بن آئی ہے
دل کو بھولی ہوئی یادوں کا سہارا دے دے

میرا کھویا ھوا رنگین نظارا دے دے

میرے محبوب تجھے
میری محبت کی قسم
میرے محبوب تجھے