I glaub I geh jetzt

I glaub, i geh jetzt, es is Zeit
I woa schon viel zu lang unta euch
I glaub, i geh jetzt, weil i waaß genau
Wann i no länger bleib
Geht ma der Schmäh aus
Und des wüll i net

I hob mi bemüht, des könnt's ma glaubn
Und i wollt wirklich niemand kompromitiern
I hob mi bemüht, oba es gibt kann Kompromiss
Zwischn ehrlich sein und link
A wann's no so afoch ausschaut
Und no so üblich is

Vielleicht hätt i net soviel redn solln
Und vielleicht hätt i öfter tun solln
Was die Andern von mir wolln
I hätt net solln so goschert sein
Dann hätt i viel mehr zum sogn
Und i tät viel mehr dazuaghörn

I glaub, i geh jetzt, i seu mi o
I bin ja eigntlich scho nimmer do
I glaub i geh jetzt, es kummt ma vua
Als wär i nie dagwesn
I könnt genausoguat
Scho ganz woanders sein

Duat, wo niemand is, der dauernd glaubt
Dass er mia mitteiln muaß
Dass er net auf mi steht
Und dass' ohne mi genauso geht
Weil glaubt's, des waaß i net