So a Ködn

Ob in da Stodt oda im Woid da Voda Frost mocht olles koid
(brrrrr, wuaaaah, uiuiuiui)
Waunns draussen bitter koid is und furchtboa stürmt und schneibt
Waunn da Voda Frost (hm) bei uns sei Unwesen treibt (ha-ha-ha)
Ned amoi da Koda traut si vua de Tia
Wäu dem is trotz dichtem Pöz no köda ois mir
Daunn bin i froh, dass i ned ausse muass
Wäu Schnee und Eis liegn bei mir ned hoch im Kurs
So a Ködn is ned leiwond
So a Ködn is ned fein
Oho, na i lieg liaba drin in mein wohlig woamen Bett
Und schlof zaumgroid in da Deckn ein
Auf amoi woch i auf und mi trifft fost da Schlog
Wäu mi wos ausn Bett haut, des i übahaupt ned mog
Is Handy leit, mei Bruada steat de Ruah
I sog jo wos is (seidl mei Hödn Bua)
Steh auf und pock di zaum, da Steckn is glei do
Der hoit di mit seina Kangoo-Tschesn o
Daunn kummts zu mir, i brauch eich (Ladidaaa)
Ois kloa daunn bis daunn, pfiati und baba
I glaub der is wo augrennt, täut mi afoch ein
Muass i denn wirklich imma da Depp fia olle sein
Obwoi de Thermometa tiafe Minusgrade zeign
Soi i jetzt in den koidn Kangoo einesteign
So a Ködn is ned leiwond
So a Ködn is ned guat
Uhu, na i foahr liaba mit meim sitzbeheiztn VW
Und wink den Leitn draussn oaschwoam zua
Plötzlich leit scho wieda dieses blede Telefon
Wie erwoatet is da Steckn, der sogt mit strengem Ton
Gemma, gemma tua weg die Müdigkeit
Glaubst du nur wäus koid is, schlofst die gaunze Zeit
So a Ködn is ned leiwond
Von da Ködn hob i gnua
I brauch dringend vuahea no an brennendhassn Kaffee
Der mi von innen mehr erwärmen tuat
So a Ködn des is ned leiwond
I glaub i leg mi wieda nieda und hoid Winterschlof
Woat i hob in KJ auf da aundan Leitung, i moch a Konferenz, seidl
Seidl
Jo Du mi a Seidl Höd
Und seits scho unterwegs
Na der sudert nua de gaunze zeit
Heast, i kumm jo eh scho
Immer des gleiche mit eich
Imma an Stress mochn
Wo soidn des hinfiahn?