ايه الي بيجري

لما الي بيعارض يبدأ هو الي يشرع ويوافق
والي كان مستخبي ورا الستاير يبدأينافق
لما ابتسامه الجرايد القوميه الصفرا تبدا تبان
تبدأتخاف بعد ما كان ليها الأمان
لما الشرعيه تبدأ فعلا تكون
فإيد المواطن المطحون
والدستور يدوم كتابك المقدس
دلوقتي باسمك بيتكلم وبدمك خليناه عالحبل يترقص
لما اعيش تلاتين سنه بنظام فاسد وحاكم واحد
لازم الرئيس يبقي إله
وإحنا عبيد نتمني رضاه
ولما كنا نصرخ ونقول اه
كنت تلاقي الودان اتسدت
والوشوش بين الحيطان استخبت
بس انهارده
الحيطان اتهدت والوزاره اتحلت
والايام الضلمه عدت وولت
ولما نحاول نفهم
قبل ما الوقت يعدي ونندم
وترجع تلاقي نفسك مجرد عروسه تانيه فمسرح العرايس
وكله بيلعب بيك ويحركك دا كله هايص
وانت يا عيني ماشي وحدك
بعد ما ضاعت عينك
بعد ما طلع فجر ليلك
لما يفاجئك الجنون
وبان عليك ذهول بعد ما تكون اتطمنت للسكون
لما الراجل الي علي كتفه النجوم واقف يتظاهر
كان بيلف يدور
هادم بيوت
فاتح جيوب
لما يتقارن حلم دخول الجامعه مع اسطوانه بوتاجاز
فطبيعي استماره القبول بأوسخ جزمه تتداس
لما الكيان الحكومي المصري
يبقي بيعكس انعكاس استبداد استهلاك بيتنفس اقتباس
من حقي استغرب واقول
إيه الي بيجري ؟



Credits
Lyrics powered by www.musixmatch.com

Link