Par Elisa

E te ho vista 'ndar
E 'n tel to saludarme
L'era el frett de belùn
Che le man le tremea de'n strender
El me no bastarte
E quan'd che ho vist chea prima luna
Dopo l'ultimo strucon
Ghe volea na neve dolza in chea bruma
Par lavar via quel cor

E quande bate stracc sul fià
E bate el cantier de vose scura
E bate de queste me mann
E picà al confront de sto lumin
Ch'el smorza pian a morir
A vardar fin in fond a quel cor che
Ho ancora el corajio, de tradir

E quande nott già la tegnea
Chela spina sul fià, chela ombra de fan
E la vose, tasea.

E mi
Nient'altro che
Ansimar e tornar tra la gente

Che la sà rider senza el parchè
Tra le vosi che osa a far sconder 'n temporal
N'tel vent
N'tel vent

E tornar sul trist
Dela sfinida question
D'en vardarme fiss e contarme de n'altra stajion
En sufiar de fojie strache
La vojia de 'n altro ben
D'n cant pi fiss e alt
Delà dal strender del foss parché

E quande nott ancora tegnea
Chela spina sul fià,
Che col bate el fià,
La e la ora pi mea
E mi, ad ansimar e strender
Sti oci, ste man, sto fià
Sta vose de can da render
Sta vose che no la ha pi temp
Tra la gola d'en vecio content
Para'n goto de cantina storna
Senza temp.