Masterplan

He liabe, liabe Leid etz is' soweit
Langsam aber sicher kummt de Zeit
In der I nimma lacha kann obwohl's mi reid
Überall nur Hass, überall nur Leid
I schau so vui in de Aug'n und g'spür,
dass koana mehr nachdenkt und koana mehr blüht
Dass koana mehr g'winnt, aber jeder verliert
Kart'nspiel'n is schwer wenn's de Bösen sortier'n

Mei da könn' ma nimma länger hear'n was de vazähl'n
An der Liebe scheitert's, und ned am Geld
Wer von eich hat de geistigen Brandstifter g'wählt
Die ihre Traditionen über Menschenrechte stell'n
De gscheard'n Leid trau'n se ernsthaft sang
Sie woll'n a Obergrenze weil sie des ned schaffa woll'n
Benutzen Gutmensch als a Schimpfwort und I sag's eich, bald
Woas I echt nimma wo der ganze Hass no hiführ'n soll

Und I frag eich mitanand
Is des eier Masterplan
I bin scho g'spannt
Is des eier Masterplan
Und I frag eich mitanan
Is des eier Masterplan
I bin scho g'spannt, ya

Etz kumm I mal zu dene mit'm Bredl da vor'm Hirn
I woas ned ob de bled san oder obs'es ned kapieren
Dass jeder a Rassist is wenn a in se drin nix g'spührt
Wenn a kloane Kinder sieht die in der Kältn grad dafrier'n
I muas scho sang I scham mi wirklich für des deitsche Volk
Wia sa sie gern hoaßen oder wia sa sie gern nenna woll'n
Für den Satz "I bin koa Nazi aba." bleibst ma bitte gstohl'n
Sei einfach stad, bitte dua ma doch den Gfall'n

Des scheinheilige Getue kann I nimma seng
Ihr lebt's wie Könige und des scho eier ganzes Leb'n
Eich geht's bloß guad weil's de andern immer schlechter geht
I sag, ma erntet Flüchtlinge wenn ma Bomben säht
Etz war's soweit dass ma was z'ruckgeb'n kannt
Aber ihr glaubt's no weida dass ma mia was besser's san
Am liabstn hättads wieder Mauern rund um's ganze Land
I sag wennd's nur grad kannt's nachad stellad's mi an'd Wand

Und I frag eich mitanand
Is des eier Masterplan
I bin scho g'spannt
Is des eier Masterplan
Und I frag eich mitanand
Is des eier Masterplan
I bin scho g'spannt, ya

I sog de neia Leid bringa mit Sicherheit an neia Wind
A jeda Mo, a jede Frau und a a jedes Kind
Nur dass des guad is und ned schlecht, so wia'ds ihr allweil denkts
A jeda learnt vom ander'n wenn ea'n erstmal richtig kennt
Briada und Schwestern I sag dad's eich zam!
Schmeißt's eire Vorurteile über Board und wart's ned lang
Lernts'as kenna, integrierts'as und dann irgendwann
Behauptet koana mehr von eich dass ma's ned schaffa kann

Und I sag's eich mitanand
Des is mei Masterplan
Mir halt ma alle zam
Des is mei Masterplan
Und i sag's eich mitanand
Des is mei Masterplan
Mir genga Hand in Hand
Des is mei Masterplan

Und I sag's eich mitanand
Des is mei Masterplan
Mir halt ma alle zam
Des is mei Masterplan
Und I sag's eich mitanand
Des is mei Masterplan
Mir halt ma alle zam,