Fredi - Bonustrack

Fredi, din Job isch nöd so sexy
Powerpoint-Suchtprävention
I allne Schuele da im Städtli
Warnsch du vor Rauche, Joints und härtem Stoff

Aber Fredi du bisch no herzig, mit dine glockte Haar
Drum isch s nie schwer gsi, öpperd zfinde wo uf dini Locke staht

Doch jetzt stahsch wieder mal ellei uf dim Balkon
Und luegsch use i d Nacht

Oh Fredi, was raucht, das brännt nöd richtig
Oh Fredi, was raucht, isch nöd gnueg heiss
Oh Fredi, was raucht, das brännt nöd richtig
Das häsch du immer wieder allne gseit

Fredi, du nimmsch nie vom Rotwii – nei, nie, nöd
Fredi, rauche lieber nöd – nei, nöd
Du und dini Dame trinked Softdrinks
A jedem Fäschtli wo all rauched i de Möscht

Aber Fredi, zu de Musig schüttlisch dini glockte Haar
Drum isch s nie schwer gsi, öpper zfinde wo uf dini Locke staht

Doch jetzt stahsch wieder mal ellei uf dim Balkon
Und luegsch use, use i d Nacht

Oh Fredi, was raucht, das brännt nöd richtig
Oh Fredi, was raucht, isch nöd gnueg heiss
Oh Fredi, was raucht, das brännt nöd richtig
Das häsch du immer wieder allne gseit

Aber Fredi, dir isch jedi Frau devo
Und s hät jede gseit: "Nei Fredi, s isch nöd wäg dir"
Und gäll Fredi, du häsch jedi wieder gseh uf de Strass
Aber jedi mit re Zigi und me Glas

Oh Fredi, was raucht, das brännt nöd richtig – los, was sie seit
Oh Fredi, was raucht, isch nöd gnueg heiss – weisch so, mann
Oh Fredi, was raucht, das brännt nöd richtig
Das häsch du immer wieder allne gseit

Oh Fredi, was raucht, das brännt nöd richtig
Oh Fredi, was raucht, isch nöd gnueg heiss
Oh Fredi, was raucht, das brännt nöd richtig
Das häsch du immer wieder allne gseit

Oh Fredi, gönn dim Ghandi mal e Pause – oh Fredi
Viellicht klappts denn au mit de Fraue