Kan Friedn

Sitz Weihnochtn alla daham, dua textn, Mukke mochn
Mundwinkel untn, bin augfressn, kunntat kotzn
Es is Mitte des Monats, des Göd rennt ma wieda davo
Wieda moi schau i nur zwischen die Fingern durch
Mei Lebenssituation, absolute Katastrophe
Siach mi ostiazn, gleich wie a korrupte Anekdote
Winter is, koid is, Haus wird vakaft
Ma wü wos Neichs aufbaun, doch ma muas woatn auf den an
Der die olest, und da die Mitteln gibt fia wos Neichs
In meiner Phase positiv zu denken, des is nimma leicht
Hazung kost uns zvü Göd, wos ma leida nimma hom
Wö mas herborgt hom, on wen? Na wie imma on mei Mum
Und dermoi kriang mas ned zruck aus unfossborn Gründn
Wad a bissl afocha, womma se Kroft sporn würdn
Doch de geht durch die ewigen Mails voi valoan
Würd i mein letztn Sotz jetzt sogn, sog i: Es is voi fian Oasch

Ka Göd, ka Liebe, kan Friedn
Ka Gerechtigkeit, nur Worte genügen
Um Menschen zu verletzn in schwan Zeidn
I sprich mein Frust aus mit nur ana Zeile
Ka Göd, ka Liebe, kan Friedn
Ka Gerechtigkeit, nur Worte genügen
Um Menschen zu verletzn in schwan Zeidn
I sprich mein Frust aus mit nur ana Zeile

Es is a Woateschleifn, kenn i scho, please hold the line
Und zum Hean, des wird scho wieda, bringt ma an Scheiß
Wü Gerechtigkeit, es ist echt zum Speim
Wie ätzend konn des sei, i gspia Verletzlichkeit
Die letzten Euros gib i aus, um in dHockn zu kumma
Denk ma oft, es muas wieda passn, owa bin doch nur verwundert
Wö der Streit ned aufheat, ma kummt leida zu kana Ruah
Sie vastengan uns ned, und bleibn weidahin nur stua
Borgst a Koihn hea, denkst, du kriagst as eh wieda zruck
Jetzt sitzt söwa in da Scheiße, wös di eigentlich voi druckt
Wösdas brauchst des Scheiß Göd, wö sunst sitzt in da Ködn
Füh mi ausgeraubt & ausgenutzt, gschissanes Ölend
Ma suacht Methodn, wie ma se im Lebn aufmuntern kau
Wö irgendwos erfindn, braucht jo ka Sau
Is anzige wos ma hüft, san mei Freindin und mei Wille
Und de Musik, de mi therapiert in einsamer Stille

Ka Göd, ka Liebe, kan Friedn
Ka Gerechtigkeit, nur Worte genügen
Um Menschen zu verletzn in schwan Zeidn
I sprich mein Frust aus mit nur ana Zeile
Ka Göd, ka Liebe, kan Friedn
Ka Gerechtigkeit, nur Worte genügen
Um Menschen zu verletzn in schwan Zeidn
I sprich mein Frust aus mit nur ana Zeile