La leggenda del Superman Napoletano

Si Superman fosse napulitano
Nun se chiammasse Clark, ma Ciro o Aitano
Campasse dint' 'a 'na casa troppa bellella
Dint' 'o "vicolo d'e Nucelle"
Tenesse quattro frate e cinque, sei sore
'O pate se chiammasse Peppe o Totore
'A mamma, assaje devota po' a Santa Rita
L'arrangiasse po' 'o vestito
N'asciugamano rossa comme mantella
'Na "S" scritta 'mpietto cu 'e pennarelle
'Na calzamaglia azzura pe' fa 'o cazone
E 'na maglia 'e Maradona
E 'na maglia 'e Maradona

Giuvinò famme 'o piacere, tu ca può vulà
Vieni 'nu mumento 'cca
Sta 'a speranza all'urdeme scaffale 'e chesta vita
A pigliasse, ma è troppo aveto e nun ce arrivo
Salva Napule a chi cerca sempe d'affunnà
Statte accort' a nun te fa fa
Piglia 'e parti 'e tutta 'a bella gente ca resiste
E miette a capa e muro a 'e camurriste

Ma ce sta 'nu culore ca te leva 'a forza
'O 'vverde kriptonite, 'o 'vverde Lega Nord

Si Superman fosse napulitano
Spugnasse dint' 'o 'rraù 'o cuzzetiello 'e pane
Dicesse a 'nu cumpagno ca vo' vedè
"Ghiammece a piglià 'nu cafè"
Pazziasse sempe a carte cu 'e vicchiarielle
Desse sempe 'na mano a chi è puveriello
Pecchè 'o superpotere ca 'o fa speciale
È chell' 'e essere carnale
Cu 'e muscoli d'acciaio vattesse 'e mariuoli
Fujesse 'cchiù d' 'a luce 'nmiez' 'e lenzole
E a chi sta 'nmiez' 'e guai e dorme 'nmiezo 'a via
Le dicesse, "Mo ce stongh'io
Tutt'apposto, mo ce stongh'io!"

Giuvinò famme 'o piacere tu ca può vulà
Viene 'nu mumento 'cca
Sta 'a speranza all'urdeme scaffale 'e chesta vita
A pigliasse, ma è troppo aveto e nun ce arrivo
Salva Napule a chi cerca sempe d'affunnà
Statte accort' a nun te fa fa
Piglia 'e part' 'e tutta 'a bella gente ca resiste
E miette a capa e muro a 'e camurriste

Ma ce sta 'nu culore ca te leva 'a forza
'O 'vverde kriptonite, 'o 'vverde Lega Nord

Si Superman fosse Napulitano
Se scetasse tutt' 'e matine cu 'o vient' 'e mare
E a chi le chiede ancora, "Ma che ce staje a fa?"
Rispunnesse, "È n'onore a essere nato 'ccà"