Waunn da Wind pfeifft

(Die Ocarina singt)
Wir sitzn umanaund und übalegn wos ma mochn
Wir redn von Vagaungenem und lauta soichen Sochn
Oba a von Soichen, de scho imma woan wies san
Und de des woi a tuan, solaung ma uns im Kras drahn

So wie dieses ane Ding, des bei uns kana gern wü
I man des rauschn vom Wind, der treibt mit uns sei Spü
Is himmlische Kind mocht wos wü

Da Wind geht ma am Sockn he, waunns pfeifft is meistns koid
Da Föhn der mocht nur Kopfweh, so wirst bestimmt ned oid
Der waht, dass si de Bam biang wie da Wazn aufm Föd
Wie soi i mi do hamkriang, in dera flochn Wöd

Waunna ma durchs Moark ziagt und i ind Jackn eine schau
Follat ma ois Letzes ei, dass a a Strom erzeign kaunn
I hea eam scho im Stiagnhaus, i wü eam goa ned gspian
Moch i auf, blosta ins Zimma und es schiassn olle Tian (PRACK)
(Die Ocarina singt)
Waunn da Wind pfeifft, duat wo de Ruam reift
Daunn ärgert I mi, dass a geht und niemois stü steht
Da Wind is scho in Uadnung, der hot scho sein Sinn (ahhh)
Amoi, dass a Vogl beim Fliang aun Hächn gwinnt
A aundas moi wengt Windradln, de ausm Bodn schiassn
Wie de Schwammal im Woid he, du wasst, dass ma miassn
Es schont nämlich die Umwöt, waunn da Wind uandlich eine blost
Ökostrom vastehst, nix Atomkroft

He, i was eh, dass ma draun denken soin
Und, dass ma si fia do Daham a ans in Goatn hoin
Zum söba Power produziern
De Konzernobhängigkeit valiern oho

Vasteh mi richtig, i bin ned Ana der sekkiert
Oba glaubst du wirklich, dass si des amoi rentiert
I find so a Einfoi is ois aundare ois bled
Doch leicht wird die Umsetzung woahrscheinlich ned

Oiso reg di ned auf und loss in Wind geh
Wäu ohne dem, tät bei uns ka Bam steh
Valoss di aufm Wind, der trogt di weit und weida
Lern von eam, daunn wirst gscheid und gscheida
Waunn da Wind pfeifft, duat wo de Ruam reift
Daunn ärgert I mi, dass a geht und niemois stü steht
Waunn da Wind pfeifft, duat wo de Ruam reift
Daunn ärgert I mi, dass er geht und niemois stü steht
Und host amoi frei und mochst a Grüllarei
Daunn Hüft da da Wind bei da Aunzündarei
Oda, waunn de Sun da sche am Bauch obebrennt
Is a geil, waunn a Lufthauch kummt
Und da de Ganslhaut oberennt
(Die Ocarina singt)