Mama Dja Flan Pan Labanta

alem li mas um dia ta acorda ku preguisa
labanta laba rosto e bisti nha camisa
nha mae ta gritam carlos ba ruma cozinha
noti bu cata durmi sima di dia tem formiga
mama por favor ka bu gritam na ouvido
em podi ser preguisouso mas ami en ka nenhum bandido
jan esta farta di flau ma en ka escrava di ninguem
bu ta labanta fuma cigarro mama kuze ki tem
32 anu di idadi dento casa nhas pais
mas es gosta di mi e e assi kim ta bai
ainda en ta lembra di memorias so ta anda triciclo
ainda bu ta mixaba na cama ainda bu tinha es vicio
mama disomola ko fla alto pa alguem oubi
bu ka ta baba dentista e bu tinha denti podri
mama kredu en sabi ma bu tem razon
ami en gostaba di sabeba pamodi kes ta chomau karlon
en ta leba nha life sima carro di 3 roda
en ta fumaba nhas puffs e en ta panhaba um granda moca
tempos e tempos ki ja bai ki kata volta
rodeado di rapaz num especie tipo escolta
sta na hora di almoço carlos en sta espera pabu kumi
en sabi ma es hora di dia ki bu gosta di durmi
traz di porta sou ta grita ami baxu nha manta
jan ba trabadju jan bem ainda bu ka labanta
mama
je flam pa labanta
ami ku preguisa
sem gana fazi nada
hoji
en kre da nha role
sem para
ku nhas rapazes di estrada
2X
AMI EN KRE FUMA PUFFS
HORA KI MIM STA NA CASA
KI TUDO ALGUEM JA BAZA
KIN TA TRA SOU MAS UM PASSA
jan sta na porta di predio jam odja uns damas boas
enta pergunta duranti dia kuanto bes kin ta apaixona
kreeeeedu karlon bu ouvi nhemi ferro
kel sentimento la nunca bu kata lebal a serio
en ta passa na nha visinho en ta dal boa tardi
nem kata para tcheu ke pa nu conta um parti
mas tambe jam sabi ma conversa e sou fofoca
policia ki ja parci e kre sabi undi ke se loca
ahahah e si ke ta ri ku denti falso
e mas um ki pegadu dentu chom di porto salvo
bandidos sima paja e si propi kes ta comenta
munti des e ses fidju ke bandidu nem es kata lembra
jam sta bai tudo lançado ta anda pa rua a baxu
nha mae ta gritam odja lixo na sako
en tem ki volta pa traz ke pan fazi recadu
si nau mama e ta fica kumi chateadu
ainda nha mae param e fla ei mos toma nota
nha fidjo fazi compra e djobi dretu na montra
ka bu trazi kuza carro nu ka sta na bom altura
madrecita ko fadiga en ta bai nen ka ta dura
toma dinhero pa transporti e bu ba kumpra bilheti
foi la kin fica contenti e en raganha logo denti
en entra na autocarro en passa frenti motorista
entao nao compras o bilhete estas armado em turista
ate jam fazeba nha calcu pan ficaba ku algum krujeta
mas en foi tao burro ki nem motorista en ka respeta
dirripenti pika parci en fica en stadu di choki
labanta di nha lugar e en carrega na buton di stop
jam en odja ma hoji en ka sta ku sorti nem um bocadu
foi si kim começa ta anda depressa em passo largu
en chiga minipreço en odja pa preço mas baratu
mas sera ki kualidadi e sima nha mae kre di factu
naaaaaaaa enta cumpra en ta sobram kakau
en ta cumpra um yopy ainda en ta da na bolicau
mal en tchiga kasa nha mae flam pamodi ki bu dura
houvi um desastri di autocarro e peneu di carro fura
enton rapasinho undi sta recibo compra
mama desculpam en destrai e nem en kada conta
pa proxima ka bu esqueci pamodi teni desconto
toma juiz na cabeça e odja si bu ta fica pronto
claru mama en sabi ma bu tem razon
kuza ki acontici foi um pekeno distrason
pa proxima em kata eskeci trazi talon di bu compra
e odja si bu ka ta ragala odjo na kel nota
mama
je dam recadu
en ka espera nem um bocadu
pe ka fica chateadu
ami
en kria so kakau
mas nha mae
flam goci nau
4X
AMI EN KRE FUMA PUFFS
HORA KI MIM STA NA CASA
KI TUDO ALGUEM JA BAZA
KIN TA TRA SOU MAS UM PASSA
mama
je flam pa labanta
ami ku preguisa
sem gana fazi nada
hoji
en kre da nha role
sem para
ku nhas rapazes di estrada
4X
AMI EN KRE FUMA PUFFS
HORA KI MIM STA NA CASA
KI TUDO ALGUEM JA BAZA
KIN TA TRA SOU MAS UM PASSA