اتعلمت

أنا لو مت بكرة، يبقى كدة وفيت الأجرة
كل ما أحاول أصلح حياتي، يطلعلي شر يدمر إنجازاتي
مش عايز أتكلم مع حد، بيني وبين كل الناس سد
خدو شركم وروحوا
غلطتي إتولدت بقلب محدش هيشوفه

بس أنا أتأثرت، خد كل محنك وأرميها في الصرف
كدة خدت بالك من كلامى
الرحمة من عند ربك مش أي حد تاني
بشوف شر كل يوم مغرق الدنيا
ناس قلبها أسود بتدوسك بقوة
اللي قلبهم أبيض يتعدوا عالإيد
عشان كدا دوست في الحشيش والويد

أنسى إزاي؟ وعمالين يستغلوني رايح جاي
كل ما أفكر أصدق إنسان
مصلحته الأولى تقلب الميزان
كلام مش هتسمعه بالودان
هيتقال عليك وراك من شخص جبان
وهينسى الخير اللي قدمته
وهتندم في يوم إنك عاشرته

إهدا يا عم الكئيب، قلبت الدنيا حريق
شوفلك كوكب جديد، تعمل فيه الخير يزيد
أصل دي دنيا شيطان، دايمًا للشر عطشان
يا تروح زي اللي قبلك، يا تعيش في الغابه يلا زي طرزان

لا، لا أنا كدا إتهزمت
لا، لا هحاول من الأول
لا،لا هحطك عالهولد
وقعت بس قومت بس أعلى بالفولت
لا، لا كدا أتعلمت، لا، لا ومنك فهمت
لا، لا هغير الشر، الخير هيتصرف ربك هيعوض

فاكر لما كنت صغير، الدنيا كانت جنه بتنور
لما حد يقولك بحبك، يبقى بيحبك مش بيحور
بتصدق كلام ووعود، مع إنهم مالهمش وجود
كانت الدنيا بسيطه وسهله، مفيش للدنيا شروط
دلوقتي بقا لازم تحسبها قبل ما تقول أي كلمه
أسمع وأتكلم قليل، علشان تفضل معلم
(أسمع وأتكلم قليل، علشان تفضل معلم)

سمع كل واحد اللي يكيفه
خد منه الشر ورده بخير يعلمه
الطيبين لسه موجودين (موجودين) مكملين
هنحط عالشر وندفنه فالطين
أنت مين؟ يا ترى من الكويسين
ولا بتهرب على جنب بالكوكايين
لسه فيه فرصه طالما عايشين

عايزك تكمل طموحك، عايزك تطور برودك
عايزك تستحمل في دورك، عايزك تولع في همومك
عايزك تغير ردودك، عايزك تثبت وجودك
عايزهم يتعلموا من نورك
(عايز أشوفهم بيسقفولك)

لا، لا كدا إتهزمت
لا، لا هحاول من الأول
لا،لا هحطك عالهولد
وقعت بس قومت بس أعلى بالفولت
لا، لا كدا أتعلمت، لا، لا ومنك فهمت
لا، لا هغير الشر، الخير هيتصرف ربك هيعوض
(ربك هيعوض، ربك هيعوض)