El Rass - بعد الهزيمة

بلال

أنين واصل من بعيد صوت مكنات البور بيواسيني بهالليل
سطح ساند ظهره كوع السكوت دوخة رافع كتفها تقل الخيال
ضجيج بيقاطعه الإسعاف وصوت سيارات الشرطة بتذكرني بالمأساة
آلات أوركسترا الوحدة بتدحش إيدها بالأوكار وبتنكش ذكريات
حاسسني كوكتيل شقف بينها هدنة قشطة ولا كريما
شيلني من الإتنين خلي وجهي دون تزيين بحرجهم مثل بن زيما
شقف شقف شقف تعب تعصيب وشغف
أو يمكن أنا المعدة بهالتشبيه من قطع أصوات بخلق لغة
غذا
واذا
الحرب عالبواب قبلها حرب جوا العتبة
كيف بالعجقة ظلني واحد من راسي لأصغر رتبة؟
لأنه الخطر دايما حدك، ما بتخاف من الموت بس بتخاف من اللي بيذلك
لأنه الخطر دايما حدك وكلها هون غربان عصورة ضعف بتدلك
وكلن شقوا بطون أمن بوليتيكلي كوريكت
فكرة صح بس نخبة فاصلة هيدا الاسمه ديسكونكت
مشروع بيناقض نفسه لا بوركت لا بوركت
ما بتستشري فينا فوقية وشراية وقت
والحرية عزا الناجي بس إجار البيت مؤخر
أم الانصياع الحاجة بين حرية او كرامة مية وجهك بتبخر
والنصايح كلها حلوة بس بعمقها بتحتقر احلامي
بترفض أساسي بتكذب نيتي بتقول عاللي متلي حساس وعدها الندامة
كله بيقلي طنش يعني فعلا قصده كذب
كله بيشتغل من طيزه هو فعلا قصده يخرب
كذاب بيبني عالم كذاب قهوة وملل واكتئاب
اجا الحكيم بس تاني يوم جابوا قتيل من تاني لون
حطوا الجثتين بصورة رمزية انتهى التحقيق ويالله عالنوم
وأنا قيد الانعتاق قيد الإنشاء عز عليي درب السما بجناح فاستعرت الاحشاء

بلال بلال بلال، بلال بلال بلال
صخرة وصدر أحد أحد، صخرة وصدر بلال
بلال بلال بلال، بلال بلال بلال
صخرة وصدر أحد أحد، صخرة وصدر بلال
بلال بلال بلال، بلال بلال بلال
صخرة وصدر أحد أحد، صخرة وصدر بلال
بلال بلال بلال، بلال بلال بلال
صخرة وصدر أحد أحد، صخرة وصدر بلال

اع حطيت ايدي بالشمس كنت حرقت مخاوفي
بليلة نمت عوداني فقت حرقت شراشفي
ومرة فقت شمشوم قمت حلقت وساوسي
مشكلة البطل ما بيموت وما بيعيشوا الفلاسفة
درب التصعلك هامش وإذا عالعزلة الزرع اقرب
شايف برواز القناعة حبة بهجة بطعمة مهرب
بوستكارد مكرر بيزقفلوا الكل
بتظل لعبة بتضجرني دوري كرة مضرب
لأجري إن كنا أسرى تكرار للابد
إن عاد عدنا بنظل نرتدد متل أحماض تحفر وتر صوت للبك
بأدغال الباطون بواحات البوادي أو بحقول القطن
من سلاسل للمآذن، من مآذن للسلاسل
من سلاسل للمآذن، من مآذن للسلاسل
وأنت وليمة للكواسر بتحس بحرية باسل
ولما بتكرر نداءك بتحس بوهم التمائم
دايما بعد النبي فيه مذاهب
وبعد الهزائم بتكبر كلمة فصائل
اللي صاير إننا بقلبه للدولاب تعا نفز براته
نركبله محورين ونسوقهم نحو محو الضباب عن مشهد ذاتي
لوف يو اهين من بحبك
مستعمرين هنيك بين الاحساس ونطقه مصران متلبك
مسرح حرب شوارع والتحرير بعده مكسب بالمعية رغم بطئه
قلب ما يعرف صدقه شو بيعمل بأطرافه
عقل صاغه غازي شو المغزى من اهدافه؟
بلال فضل اثيوبي ويمكن أذن بالخماسي
بس ما رجع على أرض اسلافه بعت احفاده
سيدي بلال والسيد بيوفي سياده
سيدي بلال زارني بيوم المنى شدلي ظهري
وقال لي الأحد ربي وأنا باركلي صخري

Credits
Writer(s): Mazen Mohammad El Sayed
Lyrics powered by www.musixmatch.com
Link

Other Album Tracks

All Album Tracks: بعد الهزيمة >

Altri album

All Albums of El Rass >

Rockol

Rockol only uses images and photos made available for promotional purposes (“for press use”) by record companies, artist managements and p.r. agencies.
Said images are used to exert a right to report and a finality of the criticism, in a degraded mode compliant to copyright laws, and exclusively inclosed in our own informative content.
Only non-exclusive images addressed to newspaper use and, in general, copyright-free are accepted.
Live photos are published when licensed by photographers whose copyright is quoted.
Rockol is available to pay the right holder a fair fee should a published image’s author be unknown at the time of publishing.

Feedback

Please immediately report the presence of images possibly not compliant with the above cases so as to quickly verify an improper use: where confirmed, we would immediately proceed to their removal.