S'allerletschti Lied (Live 2019)

Hindrem Auto bliibt er uf de Strass
stah und so wie s uusgseht wett er nümme gah
Zerscht hets klöpft und jetz gsehn ich en da stah.
Und er luegt mich eifach nur ah.
Siin Blick tuet fascht weh und ich
frög mich: Isch er ächt würkli weg mir da?
Für en Augeblick blibt miini Ziit stah
und ich lueg mis Läbe im Schnelldurchlauf ah.
Am Schluss gsehn ich mich mitem mitgah.
Miini Koffer lahn ich eifach da stah.
Obwohl mer weiss,
dass er irgendwenn cho wird, han ich en nöd erwartet gha.
Ich würd gern no chli länger bliibe, mir da no chli d ziit vertriebe.
Doch das isch glaubs mis allerleschte Lied.
S tuet mer leid obwohl ich gar nüt defür cha.
Ich ha de Volvo vo links nöd gseh cho.
Und was söll de Ballon uf mim Stür da.
D welt staht chopf und ich weiss nöd wieso.
Er wirkt recht fründlich und het weder e
Sense debii no sone schwarzi Chutten aa.
Ich würd gern no chli länger bliibe, no ein zwei chance meh versiibe.
Doch das isch glaubs mis allerletschte lied.
Ich würd gern no chli länger bliibe,
no' s paar chliini lieder schriibe.
Doch das isch glaubs mis allerletschte Lied.
Hindrem Auto blibt er uf de Strass stah
und so wie' s uusgseht wet er langsam gah.
Im Rückspiegel gsehn ich en dastah und er luegt mich immer no ah.
Und ich glaub ich mues jetz au langsam gah.