Dungaw (feat. Keiko Necesario)

Kahit pumikit
Kitang-kita sa bintanang maliit
Maalat na tubig
Pupunasan ng panyong punit-punit

Kahit tahimik
Bakit tila 'di ako naririnig?
Kamang masikip
Ang maghahatid sa 'yo, hanggang langit
Silayan kahit sa huli

Ano'ng okasyon, bakit ang dami kong dalaw?
Mayro'n pang rasyon, biskwit at kapeng umaapaw
Kaibigang ngayon ko na lang nakaulayaw
Ng ilang taon, parang espesyal na araw

Ooh, ah-whoo
Ah-whoo, ah-whoo

Hoy pare, bakit ka napadaan?
Huwag mong sabihin na mangungutang ka na naman
Ba't 'di mo subukan na gumawa ng paraan
Nang mabayaran mo 'yung nakuha mo nung nakaraan

'Di bale na, para sa inaanak ko na lang
Pero 'tol, baka pwedeng maawa ka naman
Tama nang batak, humatak kaya palaging may sapak
Kailan mo kaya lubusang maiintindihan?

Alak, sugal, bato-batopik (ah-whoo)
Lumang baraha, talunan sa tongits (ah-whoo)
Taguan sa parak, tatakpan ka ng komiks (ah-whoo)
Tanong mo sa sarili mo, pa'no ba 'to, it's (whoo)

Wala kang mapapala, maniwala ka sa 'min (ah-whoo)
Dito ay hindi nagbabago ang ihip ng hangin (ah-whoo)
Kung walang makasama, pilitin mong kausapin (ah-whoo)
Alam naman natin na pwede kang magaya sa akin (whoo)

Ano'ng okasyon, bakit ang dami kong dalaw?
Mayro'n pang rasyon, biskwit at kapeng umaapaw
Pamilyang ngayon ko na lang nakaulayaw
Aking propesyon, lahat ng oras ko'y ninakaw

Aking asawa't mga anak
Lakas ko na siyang nagtutulak
Upang kayanin ko ang lahat
Hanggang ako'y 'di na mamulat

Aking asawa't mga anak
Patawad kung kayo'y nasadlak
Sa ganitong buhay
Nga pala, may perang naka-padlock

Kahit pumikit
Kitang-kita sa bintanang maliit
Maalat na tubig
Pupunasan ng panyong punit-punit

Kahit tahimik
Bakit tila 'di ako naririnig?
Kamang masikip
Ang maghahatid sa 'yo, hanggang langit
Silayan kahit sa huli

Ano'ng okasyon, bakit ang dami kong dalaw?
Mayro'n pang rasyon, biskwit at kapeng umaapaw
Bakit po ngayon ko lang kayo nakaulayaw?
Habang panahon, marami lang gustong malinaw

Huwag n'yo po sanang masamain (ah-whoo)
Kung ano man itong bagay na aking gagawin (ah-whoo)
Hindi naman po galit ang mga nakatanim (ah-whoo)
Kundi mga hinaing na binubulong ng palihim (whoo)

Alam ko po na malabo akong makarating (ah-whoo)
Sa bahay n'yong malayo pa sa mga bituin (ah-whoo)
Isa lamang po naman ang tangi kong hiling (ah-whoo)
Lahat ng aking mga katanungan, inyong sagutin (whoo)

Bakit may mga sakit na hindi malunasan? (ah-whoo)
Luha ng mga bata na hindi mapunasan (ah-whoo)
Mga may kasalanan na hindi maposasan (ah-whoo)
Dungis sa kababaihan na 'di mahugasan (whoo)

Bakit may gutom? Sa hirap ay lubog (ah-whoo)
Habang ang iba'y parang hindi nabubusog (ah-whoo)
Siguro ay hindi na kayo mapagkatulog (ah-whoo)
Sa tunog kapag sabay-sabay kaming dumudulog (whoo)

Bakit may limos, ano ba ang bigay? (ah-whoo)
Bakit may anak na nauunang mamatay (ah-whoo)
Sa mga magulang para ilibing (ah-whoo)
Lungkot na wala yatang dapat makatikim (whoo)

Mga aral na tinuturo at nagmula sa (ah-whoo)
Mga salitang sinulat n'yo daw at pinasa (ah-whoo)
Sa mga tao na nag-uutos ng kabutihan (ah-whoo)
Pero, bakit may mas mabuti pa na 'di nakabasa (whoo)

Sila pong mga naiwan sa tahanan n'yo (ah-whoo)
'Di naman dinidiligan ang halaman n'yo (ah-whoo)
Gamit ang perang nahakot sa pangalan n'yo (ah-whoo)
Sinasabi ko lamang para malaman n'yo (whoo)