Seique Non

Mira que soi bona moza que piso firme y que se pensar
Pero cruciéme contigo y d'afotamientu nun sé nin falar
Yá me dixera to madre que traes ceniza de mucho llar
Que nun t'asusten los pinchos si yes a comer de muncha castañar

Farta d'andar detrás tuyo tola mañana d'aquí p'allá
Mirando polos requexos del pie del pueblo xubí hasta'l cumal
Nun te vi na quintana nin trabayando nel arbeyal
Nin te crucié pel caleyu nin pela cuesta nin per un ramal

Sei qu'andabes metíu pel monte
Sei qu'andabes cantando, lo so
Sei qu'andabes del cuetu a la ponte, seique non
Sei qu'andabes metíu pel monte
Sei qu'andabes cantando, lo so
Sei qu'andabes del cuetu a la ponte, seique non

Cuando a la fin t'atopé, tabes en cuetu con Deva y Mar
Buscandovos les cosquielles a la solombra que da la figar
Vi nos tos güeyos el mieu y tu na mente viste esnalar
Toles finques toles cases y toles perres que tien el mio pá

Sei qu'andabes metíu pel monte
Sei qu'andabes cantando, lo so
Sei qu'andabes del cuetu a la ponte, seique non
Sei qu'andabes metíu pel monte
Sei qu'andabes cantando, lo so
Sei qu'andabes del cuetu a la ponte, seique non

Si tu yá nun m'axuntes, ya nun t eval faceme sufrir
Que t'aguanten eses bruxes que yo veré lo qu'atopo pa mí
Val más munchas veces facer casu al primer sentir
Porque namás conocete a min paecíesme enforma foín

Sei qu'hai mozos meyores abondo
Sei que munchos me presten a mí
Sei que teo pretendientes en forma
Sei que sí
Toi Segura que sí