Calla Ho! (feat. Los Berrones)

Dixéronnos
Qu'abondo nun yera
Con dir pela acera
Fixéronnos
Creyer que la xera
Yera tener carrera
Tamos como les oveyes
Con crotales nes oreyes
Esto vien de va bien d'años ya
Mirái p'atrás

Ufriéronnos
Diplomes y premios
Por perres a magüeyu
Y diéronnos
Más reconocencia
Cuanta más competencia
Y agora toos na cola'l paru
Nun podemos dar el callu
Tamos pa prexubilanos yá
Ensin trabayar

¡Calla, ho! ¡Calla, ho!
¿Quién diba sabelo?
¡Calla, ho! ¡Calla, ho!
Toi hasta los güevos
De tar al sol

Punxéronnos
Muries y portielles
Al rodiu les idees
Y emburriáronnos
Como a les cabres
Rodando pel Payares
Media Asturies nel exiliu
Mientres busquen patrociniu
Zarra Ca Xuacu, abre un Tierrastur
Tais de yogur

¡Calla, ho! ¡Calla, ho!
¿Quién diba sabelo?
¡Calla, ho! ¡Calla, ho!
Toi hasta los güevos
De tar al sol

Colos güeyos como platos
¿Quién hosties vota a estos fatos?
Tenemos yá que los reciclar
Vamos a cuchar

Coles normes que tenemos
Que nun puede ún echar cagamentos contra naide
Atopamos otra forma de desfogar

¡A la parva cuchu!

Vamos ver, ¿qué facemos con tolos empresarionos que piensen
Que los contratos de práctiques ye
La meyor manera de tener trabayadores de baldre?

¡A la parva cuchu!

El monarca,
El pariarca
Y tamién el oligarca

¡A la parva cuchu!

Yo nun soi nin machista nin feminista
El asturiano es un dialecto
¡Vienen a quitanos el trabayu!
¡Y les muyeres!
¡Y les ayudes sociales!
¡Cago en ros!

¡A la parva cuchu!

¡Calla, ho! ¡Calla, ho!
¿Quién diba sabelo?
¡Calla, ho! ¡Calla, ho!
Toi hasta los güevos

-¿De qué, ho?
-De tar al sol



Credits
Writer(s): Andrés De Ugarriza Poladura, Antonio Aguilera González, Christian Bada Villabrille, Guillermo Fernández De La Cuesta, Olegario Méndez, Ramon Blanco
Lyrics powered by www.musixmatch.com

Link