Härz:Bluet:Louf

Mis bluet louft träg über dicki steine
Über fänsterläde
Über chauti muure
D stäge derab am boge entlang
Tropft über d böde vom gwöubechäuer
Sickeret langsam im gwöubechäuer
Trifft irgendwenn uf ne herti platte
Verschwindet ir ewige tiefi unger
Schiinbar ändlos tief dört unger
Aber mis bluet es pumpet no
Härz gumpt nüm aber pumpet no
Nümme fliesse kei option
Härzbluet es pumpet no
Theoretisch chani mir aus leischte hie
Wi di meischte hie
Chöschte si nüt aus entscheidige
U mängisch chöi mir üs ächt nid einige
Über züüg wo mis läbe chuum tangiert
Während eigentlech immer grad viu passiert
Ig verschwände mini zit
Du verschwändisch dini zit
Rot oder blau
Ar wäut egau
Rot oder blau
Ar wäut egau
Rot oder blau
Ar wäut egau
Rot oder blau
Z tagesliecht bländet mi zersch unändlech
Z chüele bluet schiesst use i hang
I däm wiesegebiet
Hinger mir mi riese palascht
Gnau gwüsst wis wär chönti flüge
Mi cha befreie vo däm riese ballascht
Emporstige treit vome warme wind
Imne morgeliecht wo wieder farbe bringt
U der bluetlouf wo sech dür di landschaft schlänglet
(geng e wäg)
Sech verbiegt wes äng wird
(geng e wäg)
Hin u här schlingt
(geng e wäg)
Aber geng e wäg fingt
Hin oder här
(git geng e wäg)
Hin oder här
(git geng e wäg)
Hüguzüg bedüte di nächschti gränze
U dört wächslet z wätter

Du weisch dis bluet es pumpet no
Härz gumpt nid aber pumpet no
Dunkli wuuche über tuupe
Härzbluet es pumpet
Akündet vo gänsegeier
Blueträge dicht über d ländereie
Dunkli wuuche – farbe (grau)
Tropfe überschatte (aus)
Aues woni liebe
Liebe chani aus
Wuuchebänder zieh sech
Dür das hundertwassertau
Aues woni liebe
Liebe chani aus
Hunderttuusig tropfe

Ir luft e fuchsschwanz
Wo so ungliichmäßig dür d luft tanzt
Geng usgwiche vor irgendere bousteu
Luegi zrügg hets irgendwo e bousteu
Aus isch geng so temporär gsi
Loosla isch geng henne schwär gsi
U di freiheit i däm freie fau
So unkontrolliert darum schreie au
D zit treit üs zum nid gwäute fride
Schüüche dä ort wi nüt süsch
Wähli mi eiget grabstei?
Oder wähle dä äbe mini angere?
Mis bluet louft träg über dicki steine
Über fänsterläde
Über chauti muure
D stäge derab am boge entlang
Tropft dürd böde uf herte granit
Fingt si wäg iz morgegraue
Plätscheret fröhlech vor dürz tau ab
Flügt i dunscht aber rägnet wider
Früsch iz läbe mer wieder!

Du weisch dis bluet es pumpet no
Härz gumpt nid aber pumpet no
Dunkli wuuche über tuupe
Härzbluet es pumpet (no)
Wenn o 30 jahr mi nid locker bringe
Mis bluet wott angeri tropfe finge
Härz het fasch chline pfropfe (drin)
U weni di gseh stockets (ging)
Aues woni liebe
Liebe chani aus
Wuuchebänder zieh sech
Dür das hundertwasser-tau
Aues woni liebe
Liebe chani aus
Hunderttuusig tropfe
Am pulsiere i däm tau

Du weisch dis bluet es pumpet no
Härz gumpt nid aber pumpet no
Dunkli wuuche über tuupe
Härzbluet es pumpet (no)
Akündet vo gänsegeier
Blueträge dicht über d ländereie
Dunkli wuuche – farbe (grau)
Tropfe überschatte (aus)
Aues woni liebe
Liebe chani aus
Früschi tropfe schiesse
I das hundertwassertau
Aues woni liebe
Liebe chani aus
U mi bluetlouf am pulsiere