Zoo B'suech

De Basil macht en B'suech im Zoo,
Döt läbet wildi Tier',
Er wott sie sehr gern kennelerne
Und goht mit Freud' und Neugier.

Am Igangdöt g'seht de Basil s'Aquarium,
Fisch' i bunte Farbe schwimmet krütz und quer,
Doch git' s au schwarzi Krokodil',
Sie lieged im Wasser, träg' und schwer.

Im Zoo, döt läbet wildi Tier',
Au Fisch' und Krokodil' händ es Quartier.

D'Elefante, die g'seht de Basil scho vo wiitem,
Mit ihre lange Rüssel frässet sie Heu,
Sie händ es Paar langi, graui Ohre,
Marschiered im Kreis uf ihre feschte Bei.

Im Zoo, döt läbet wildi Tier',
Au d'Elefante händ es Quartier.

D'Affe, die sind im Chlättere Meischter
Und schwinget sich uf d' Bäum' vo Ascht zu Ascht,
Au tollet sie umme mit ihri G'spänli
Und mached für de Basil e luschtigi Grimass'.

Im Zoo, döt läbet wildi Tier',
Au d'Affefamilie hätt es Quartier.

Die Giraff', die hät en lange Hals,
Stolziert in ihrem G'heg ganz vornehm umenand,
Sie frisst d'Blätter vo de höchi Bäum',
De Basil lueget zu ihre g'spannt.

Im Zoo, döt läbet wildi Tier',
Au d'Giraff' hät es Quartier.

D'Leue Familie sitzt friedlich binenand',
De Papi Leu hätt' e wildi zerzauste Mähne,
Er chnabberet an em Stück rohe Fleisch
Und tuet de Basil ganz g'langwiilt agähne.

Im Zoo, döt läbet wildi Tier',
Au d' Leue' händ es Quartier.

De Brunbär, de hät es struppig's Fell,
Er reckt sich in d'Höchi, um uf zwei Bei z'stoh.
A sine Pfote hät er scharfi Kralle,
De Basil hält Abstand, dörf nid z'nöch zu ihm cho.

Im Zoo, döt läbet wildi Tier',
Au de Brunbär hät es Quartier.
Im Zoo, döt trifft mä wildi Tier',
De Basil hätt' sie kenneg'lernt
Und isch dankbar dafür.
Im Zoo, döt labbet wildi Tier,
Und sie alle händ' ihres Quartier.