Niemer

Gränzelosi Freiheit
Predige die Oberprieschter
Bouit Burge, würgit Gurgle
Rytit über Lieche

Bouit euch es eigets Rych
Dir sit die Siebesieche
Vom Überall, vom Garnüt
U vom Nie

U we nech das längwielig wird
Marschiere mir i Chrieg

Niemer chunnt hie läbig use
Niemer chunnt is Paradies
Isch der Akku dunge, hets ke Pfuus
Bliebt num d'Wahrheit vor Liebi
Vom Gebäre u vom Schtärbe
U vom Läbe uf dere Ärde wo mir huse

Ja klicket nech e Fickmaschine
Ine use, use ine
Wie der Siffredi
Figit jede, figgit jedi
Figgit ds Handy z'Barcelona
Figgit ds Canape vor Oma
Legit euri Schleimschpur
Das isch alles was sie wöi
Gränzelosi Einsamkeit
Aber nie allei

Sie wüsse alles über alli
Wäg dene neue Siebesache
Sie wüsse wär mir si
Sie wüsse was mir mache
Sie wüsse was me meine sött
Bevor mes sälber weiss

Sie wüsse was sie wöi vo üs
U was mir sötte bschtelle
Sie wüsse wie d'Gschicht wietergeit
Bevor ms cha verzelle

Bschtellit euri Wunschching
Alli gschied u wyss u glych
U we si drohe mit em Schtäcke
Zwüschem Thuja u de Rose
Rebelliere uf de Schtrasse
Wöi ke Predigt lose
U sie ahne was sie wöi
U sie ahne was sie hasse
U si frage nach em Sinn
Nach em Läbe, nach em Glück
U sie si nid wie dir wöit si
När schickit sie doch zrügg

Niemer chunnt hie läbig use
Niemer chunnt is Paradies
Isch der Akku dunge, hets ke Pfuus
Bliebt num d'Wahrheit vor Liebi
U vom Gebäre u vom Schtärbe
U vom Läbe uf dere Ärde wo mir huse

Niemer chunnt hie läbig use
Niemer
Niemer
Niemer