Zu Jeder Stund En Vogelgsang

Du seisch üsän Fründeskreis isch än Kreis
Mir stönd wie Ziffrä druf vum 12 bis zum 1
Und wenn du seisch üsän Fründeskreis isch än Kreis
Jo wennd du s'7 wärsch io wer wär denn s'1
Am andere End vo üsäm Kreis

I seg Io üsän Fründeskreis isch än Kreis
Und wiä binre alte Kircheuhr sind paar Ziffrä scho keit
Mir hend sie nöd renoviert
Mir hends gar nöd probiert
Sie hanged über äm Dorfplatz so als Souvenir
A die Ziit wos no het funktioniert

Du seisch: Wo sind denn die Ziffre wo nümm druff sind bi üs
Und i säg: Die sind jetzt ganz
Andersch druff, drum sinds nüm druf bi üs
Zum Bispiel s'5 het jetzt Familie und ä Hüsli am Hang
Und schiins hends jetzt ä ganz
Spezielli Uhr zu jeder Stund en Vogelgsang

I ha s'5 letschti troffe und i han ihm verzellt
Vu dir und vo üsäm Fründeskreismodell
Denn het er nur glacht und gseit, das seg jetzt doch echli eifach
Und öb i mi nümm chönn erinnere as Rechnä mit ihm idä 6. Klass

Er wüssis no als öbs hüt gsi wär, diä säb Stund bim Renner
Wiäners üs erklärt het säb mit dä Chreis und de gmeinsame Nenner
Und i seg: Nei, döt hani wohl wiederämol nöd ufpasst
Drum häsch du jetzt wohl au ä Hüsli und i än sorgevolle Rucksack

Do het er nur glacht und gseit i söll mi nöd tümmer stelle wiäni bi
Und i dem Moment ghöri Vogelgezwitscher vomä Kolibri
Und s'5 seit: Ou, scho 5 und er muessi pressierä
Am Viertel ab möss er d'Luna holä vum voltigiere

Du seisch: Wo sind denn die Ziffre wo nümm druff sind bi üs
Und i säg: Die sind jetzt ganz
Andersch druff, drum sinds nüm druf bi üs
Zum Bispiel s'5 het jetzt Familie und ä Hüsli am Hang
Und schiins hends jetzt ä ganz
Spezielli Uhr zur jeder Stund en Vogelgsang