D'wahl

Ich male mini Nägel a

Hüt zum siebte Mal

Goldig, gäl und rosa

Ich ha die frei Wahl
D'Wahl zwüschet allne Farbe

Us mine vier Wänd
Mini vier Wänd
Nähmed keis End

Ich schtane uf em Balkon

Und klatsch fürs Gsundheitspersonal
Mis Grosi gaht grad go poschte

Si meint mit 93 seg das doch jetzt wükli
scheissegal
Die einzige wo sich würkli gsorgt hend
Sind mini Eltere

Und dini
Und d'Wirtschaftsverbänd

Ich luege us em Faischter uf die mänscheleeri Strass
Blühed ächt d'Osterglogge
Und wie grüen isch jetz echt s'Gras?
Die einzige wo hüt us-gange sind

Mini Idee gsi
Idee - wo sinder alli hi?
Vom Sofa ufe Sässel

Vom Schlafzimmer is Bad
Ich dräh dur mini Wohnig

Ich dräh a jedem Rad

Ich sitz im Yoga-Schnyder
S'lauft ruhigi Musig mit chli Hang
Ich meditiere scho sit Stunde

Aber d'Wuche gönd glaub no lang
S'einzige wo wük verby gaht

Isch mine Hunger
Min Hunger
Uf Frücht und Chopfsalat

Ich ha defür wider agfange läse
Und fühl mi jetz sehr bildet, ja gschid
De Covid19 Live-Ticker vo SRF

Ich bi scho zimli wiit

Aber s'einzig woni jetz grad dra dänke cha isch
Isch mini Angst
Ich ha so Angst
Ich ha hütemorge bizli Halsweh gha

Aber ich ha gläse
D'Gränze seged gschlosse, das findet alli ganz normal
Aber wer jetz na trau im Park go läse
Das seg scho zimli fatal
Will alles wos jetzt drum gaht isch

Jedes einzelni Läbe
Oisi eigete Läbe
Und oise eigeti Staat
Vom Sofa ufe Sässel

Vom Wohnzimmer is Bad
Ich dräh dur mini Wohnig

Ich dräh a jedem Rad
Vom Schlafzimmer ufe Balkon
Vode Chuchi zrugg is Bad

Ich dräh dur mini Wohnig

Ich dräh a jedem einzelne Rad

Aber wer kei Wohnig hät

De beschützt
Nöd mal de Bundesrat