Hoaßa Droht

Sog Bescheid, wenn du hoamkummst
Sog Bescheid, wenn du okumma bist
I daad di so gern wieder seng und
Über oide Zeitn ren, de hob i ganz schee vermisst

Ruaf mi o dahoam am Festnetz
Vui hod si gändert, doch de Nummer de is bliem
Ja, i wart nur drauf, dass' leit
I bin allzeit bereit, wenn's soweit is, lass i oisamt steh und ling

De Oidn song oft: Oid wean, des is grausam
Weil doch a jede Verbindung amoi stirbt
Aa wenn i's eisieg, ned eisig und ned lauwarm
Na, der Droht, der is no hoaß
Solang er oiwei no sauba gliaht

Gestern homs wieda wen eigrom
Und i war dortn, weil i'n kennt hob, is doch klar
Do drief i oft oide Bekannte
Und mia rätsln jedsmoi, wer von uns is woi as nächste moi dro

De Oidn song oft: Oid wean, des is grausam
Weil doch a jede Verbindung amoi stirbt
Aa wenn i's eisieg, ned eisig und ned lauwarm
Na, der Droht, der is no hoaß
Solang er oiwei no sauba gliaht, solang er oiwei no sauba gliaht