100 Alf

كنت نشوف في الدنيا بيضة بيضة كيف وجوهم
تو وليت نشوف فيها كحلة كيف قلوبهم
كنت نسخايب روحي اعمى اعمى قبل ما نشوفهم
ياخي طلعت نرا مليح اما ما ريتش قلوبهم
اش نعمل بالكاريناج كي يبدا الموطور مبيل
و اش تعمل ب Nicki Minaj كي يبدا الماعون مقيل
بعين نوزن و نكيل نمشيلك حفيان عالشوك
كان تكون معايا راجل نفرح بيك اكثر من بوك

تو كي دور الدنيا بالك تو نحكيو
تو كي دور الدنيا تو نجيبو فلوس
ساقين تقصت مش معناها بش نحبيو
قلبي رهيف اما ما يرضيني بوس

ما تشعلشي نار مش قادر تطفيها
ساعات كورة عالبار اشب مالكورة لي تمركيها
ربي لي يحرق بالنار و نار عبادو ما تحرقش
شكون البهيم لي قلك يد وحدة ما تصفقش
شدة في المولى انتوما لا قوة و لا حول
انا ركبتلي على Shakira و هو يقول لزبي خولة
ما عطاتناش الدولة، ستة زيت مفولة
كان فما تاج و كرسي انا صاحبي بيهم اولى
كبرت في حومة وين الكل نعيشو سواء
وين بسيف تستوى، وين الدخان للسماء
في عيني امي هي هي احلى النساء
هي اكبر راس مال
قد ما نعمل موسال
طلعو سقاط قد ما كبرت بيهم
كبير بقدري علاش بش نكبر في عينيهم
مخاخهم ما تعباتش بلي مكاتبهم في سراهم
بلي بش تغلى احلامي تو يجي نهار و نشريهم
الارخى الي تتمرخى تحلى في عينين السارح
الكلخة تبقى كلخة حتى في سيڨارو فاوح
ضحكة ليوم ما داويش وجيعة البارح
انتي جيبلي اكحل فاتح و انا نجيبلك ابيض بالح
ليلة غبشة ما توفاش عملنا لي ما يتعملش
طرنا طرنا و ما فقناش لين وليت ما نڨمرش
و برا الدنيا ما عطاتناش تو وحدنا نجيبو القرش
لساني احرش ما يعسلش و انتي فيا ما دبرش
حبي حبي Take it easy تو نجيبو دراهم
صبعي في عينيك من نهج الساحل لعين دراهم
باين من عينيك و افكارك نقراهم
كان كليت فلوس الناس ان شاء الله في الحبس تخراهم
كنت صغير نجري عال Visa تو ال Visa تجري ورايا
ما فهمو شي Rappeur و يخدم في طيارة
ما فهمو شي Rappeur و يخدم ب Uniform
تونس فيها Rappeuret يجيو ملاهط في YouPorn
حشيتو و جيت ذكي كي جا معلم ما يفهمش
جيت زادة ولد حلال بش والديا ما نحشمش
ما نقولش ما نجمش و ما نقولش لا استطيع
مختلف و ما نمشيش مع القطيع
اتو نحصد مادام زرعت، تعبت و تڨطعت
حطيت الحجر لي ضربوني بيه تحت ساقي و طلعت
انا ماذابيا و هوما ما ماذابيهمش
انا عدك بيا و نولي ما نعدهمش
ما نتعلمشي الزطلة كان صوابعي ما تبرمش
كيما لي لابس Lunette و عايرني قلي يا طمش
عندي 100 الف Fan نشوف فيهم و في ربي
عندي 100 الف فار يڨرضو و ياكلو في جبني
عندي 100 الف ثار انتي اطيح و انا نبني
اما عندي رب واحد هو وحدو لي يحاسبني

تو كي دور الدنيا تو نجيبو فلوس
ساقين تقصت مش معناها بش نحبيو
قلبي رهيف اما ما يرضيني بوس
تو كي دور الدنيا بالك تو نحكيو
تو كي دور الدنيا تو نجيبو فلوس
ساقين تقصت مش معناها بش نحبيو
قلبي رهيف اما ما يرضيني بوس