E Flick Wäg

I bi vilech e chli komisch, ha vilech chli e Flick wäg
Dir faut vilech uf, dasi nid so richtig tick-ää
Döu würde säge mir hets i mis Hirni gschiss-ää
I ghöre i d'Klapse... ja digga i spinn-ää
Lueg i cha nid tanze, i tanze us dr Reihe
Baggie pants, es Cap, und zack - hani e Meise
I bi eifach chrank, das ufgrund wieni mi chleide
Mann i ha ne Knacks, wüui nid bi wie die meiste
Ja mir isch nüt pinlech, das merksch wenn mir quatsche
Und es chunnt dir vor aus hüet ig e Horde Affe
I nime mi nid ärnst, i cha ab mir säuber lache
Denn i bi wieni bi, hani haut eine a dr Klatsche
Triffsch mi ar Ample, chasch nid ufhöre glotze
I sitze im Charre und bi die Bude am rocke
Ja die ganzi Stadt, ghört Musig us mine Boxe
Denn i bi haut chli gaga, jaa mir sitzt e Schrube locker
I bi scho chli komisch, ehrlech i ha ne Flick wäg
Dir faut sicher uf, dasi nid so richtig tick-ää
Und si säge sicher, däm typ hets is Hirni gschiss-ää
I ghöre i d'Klapse... mau ehrlech i spinn-ää
Jaa i ha ne Fähler, e Riss i dr Schüssle
Sett vilech no erwähne, was über mi settsch wüsse
Und zwar a döune Täg, geit irgendöppis mit mir düre
Das heisst i bi chli näb de Schueh, denn i bi glücklech
Ja mann i ha Humor, cha quasi ab auem lache
Drum bi nid ganz hugo, und ha eine a dr Waffle
I bi nid ganz suuber, und haue chlei fest i d'Taste
Denn i bi nid ganz hundert, ja i stiche us dr Masse
Ganz ehrlech zwüschedüre bringi angeri is schwitze
Denn i mache hüfig chlei makaberi Witze
Und durum säge sie, i sig scho chli vom Aff bisse
Es bitzeli dernäbe und nid ganz bi sinne
Digga weisch mis Lache, das nimmt grad jede Ort ih
Das macht mi charmant, und glichzitig aber komisch
Ja die ganzi Art vo mir, zeigt dasi froh bi
Denn mit mir isch aues, nid ganz eso in Ordnig
Ja i bi würklech komisch, und ha ne chli e Flick wäg
Jedem faut doch uf, das ig nid so richtig tick-ää
Döu säge, mir het öppis dick is Hirni gschiss-ää
Ja i ghöre i d'Klapse... eehhjaaa, i spinn-ää
I ha seich im Grind, lueg es schneit mir is Hirni
Täglech wird mer gseit, das äuä nid ganz dicht bi
Mängisch chlei gemein, säge si i sig so chindisch
Doch i ha lieber wenn me seit i sig wahnsinnig
HÄ - und nei i bi nid bsoffe
Ja i bi scho chlei däne, doch nime keni Droge
Mir cha me nümme häufe, jaa i bi verloore
Und ja i ha ne Schade, verdammt, süsch no Froge?
I ha nid aui Tasse im Schrank, säge döu, ja
I weiss i hane Knau, i weiss dasi eis am Höum ha
Es wird mer ständig gseit, aber mau ehrlech was söu das
I bi wieni bi, und doch au nur Mönsch mann
Bini de würklech komisch, hani würklech e Flick wäg?
Bini do dr einzig, wo nid ti-ti-ti-tick-ää?
Muess me würklech säge, mir hets i mis Hirni gschisse?
Ghöri würklech i d'Klapse... oder fohni jetz afo spinn-ää?