Euse Rosegarte

Hässig uf s'Altmetall
Es roschtet vor sich hii
So wie du und dini halbjunge Gspänli
Ah, du wotsch weg as Meer
En Zug uf Genua
Wie i dene Romän wo sich öpper gottslausig abeloht

Endlich riich si
Hesch nie verstande, dass' scho bisch
S'wird dir nüt bringe, ussert e Armbanduhr, säb vilicht
S'Lebe goht schnell und du wotsch meh
Und alles chunt guet, doch du gspürschs ned
Chönntsch öppis wooge - ganz bestimmt - aber was?
Gisch Gas mitem Elektrotrotti, s'Handy i de Hand
En Chieselstei, abglenkt, du fahrsch direkt in See
Es paar anderi lached
Ich lach ned

S' glänzt scho lang überhaupt nüt meh
Schmierigi Fassade
S' tropft Bluet vo eusem Rosegarte
S'Lebe isch es Risiko
Was hesch erwartet?
S'tropft immer nur vo obe abe

Hagel
S'breicht nie alli glich
E Horde Räuber in Azüüg versperred der d'Sicht
Es hin und her öb echt am Endi bliibsch
Bisch scho lang unsicher
Öb's dir gfallt i de Schwiiz
Am Egge wo du wohnsch mutiered Männerwünsch zu schiefe Fundament
Gib am Maa no chli meh Geld
Er het nüt usser sim Hund
Und du, tue nöd so dumm
Bisch es Wunschchind (Wunschchind, chumm)

Sie so halb
Aber wo sie de do gsi isch het me si halt gnoh
Genauso wie sie isch
Jo, schön du bisch verlieb
Sie so halb
Träumsch vo ihre und dinnre Villa am Meer
Sie ned

S' glänzt scho lang überhaupt nüt meh
Schmierigi Fassade
S' tropft Bluet vo eusem Rosegarte
S'Lebe isch es Risiko
Was hesch erwartet?
S'tropft immer nur vo obe abe

S' glänzt scho lang überhaupt nüt meh
Schmierigi Fassade
S' tropft Bluet vo eusem Rosegarte
S'Lebe isch es Risiko
Was hesch erwartet?
S'tropft immer nur vo obe abe

Hässig