Cuma Saya

Sayang, kalo bosan, ko bilang
Jangan ko pigi dan menghilang
Ya, kalo sa salah, tolong diubah
Bukannya ko langsung berubah

Ko mo cari yang bagaimana? (Hu-uh, hu-uh)
Ko mo dapat juga di mana? (Hu-uh, hu-uh)
Biar ko sampe ke ujung dunia
Yang mengerti ko tu cuma saya

Ko bola-bale su macam deng setrika
Ko sombong sampe setelan lupa sa
Bila ada waktu, mari tong berbincang
Sio Ade Nona, jang ko hilang-hilang

Yeah, nah ko pigi cari yang lebih dari
Sa ini sudah yang paling mengerti
Dari baik-buruk tangkis ko pu beu-beu
Sa yang kasih enak, ya, enak macam papeda deng heu

Ko pikir lagi, stop lupa diri
Sampe mana, tetap sa yang koi cari
Ko pu gelisah, sa yang kas tenang
Sa paling hafal, sa yang tau cara kas tenang

Yeah, ko mo cari yang bagaimana? (Hu-uh, hu-uh)
Ko mo dapat juga di mana? (Hu-uh, hu-uh)
Biar ko sampe ke ujung dunia
Yang mengerti ko tu cuma saya

Jang ko mo slak, sombong untuk jalan pica bunga
Sa yang su mengerti, dong su tau ko sa punya
Mo jalan sampe mana, mo sakit bagaimana
Pasti ko cari saya, ko tra akan lupa saya

Sa yang su ko peng harga diri lapis belis
Ko pu manja goyang lidah sambil angkat alis
Mo setelan jurus remot, andalan apa bilang
Kalo bosan kasi tau, ko pu cara jang menghilang

Sejauh apa ko melangkah tapi
Tetap ada sa dan ko akan kembali
Ko pu slak, ko pu skak, sa su hafal mati
Sampe cara kas nyaman pun cuma sa saja yang mengerti, yeay

Cinta ini ko punya untuk seutuhnya
Mo cari sampe di mana, tetap sa ni ko pu rumah
Semuanya indah, tinggal ikut ko pu suka
Mana jalan yang ko pilih, semua bebas dan terbuka

Ko mo cari yang bagaimana? (Hu-uh) ha-ah-ah-ha
Ko mo dapat juga di mana? (Hu-uh, hu-uh)
Biar ko sampe ke ujung dunia
Yang mengerti ko tu cuma saya

Cukardeleng, Sayang, koi main apa e?
Mo tampeleng, tapi sio sa pu sayang e
Ko pu busuk sa tau, ko pu kartu sa tau
Ko pigi baru bagaimana kalo aroolu jauh

Ko cari kalo memang ada yang seperti
Sa yang s'lalu sayang dan paling mengerti
Adoh, ko jahat, patah sa pu hati
Pigi, pigi ko, ikut ko pu hati

Mo bagaimana pun, tetap ko minta ampun
Tuhan su menuntun, ko pu sa yang anggun
Siapa pun tak bertahan, ko pu ego beruntun
Tanya dong, pasti bilang, "Ko wanita beruntung"

Yo, bunuh sa pu hati demi ko pu kesenangan
Tara tipu, tapi jang ko bikin tinggal kenangan
Sa ada pada gerimis, pasang-surut hubungan
Sa pun yang selalu melengkapi tiap kekurangan

Ko mo cari yang bagaimana? (Hu-uh, hu-uh)
Ko mo dapat juga di mana? (Hu-uh, hu-uh)
Biar ko sampe ke ujung dunia
Yang mengerti ko tu cuma saya