حمراء و بيضاء للممات

100 عام و الإسم كبير
عليه تاريخ لبلاد شاهد
مالإستعمار حتّى التحرير
قصّة رجال تجاهد
بدا مع بشير بن مصطفى
بوسنينة و السوداني
تلمت الناس الشرفى
عملو النّادي الإفريقي

1920
المسيرة مالربط بدات
بأبيض و أحمر patriotiques
عالقلب نجمة و هلال
مع الحركة الوطنية
أوّل جمعية تونسية
Football ،مسرح، راشيدية
و النّضال عالهويّة

أسامي مخلدها التّاريخ
جديدي عتوقة و الشبلي
الخويني رتيمة غمّيض
طاهر Boy و القبايلي
Grazie Fabio Rocchiggiani
Légendaire André Nagy
الأصرم، مختار و العزّابي
و لي خدموها أيام و ليالي

كورة نظيفة و palmarès
صلنا و جلنا فال afrique
حلينا عينين الناس
جبنا l'afroasiatique
Jamais ننسى البياري
مغارية محايصي نصري
رويسي تواتي و السّليمي
وصلو بيها ل sommet

تبقى كبيرة بولادك
كبرو زادو في أمجادك
لي تربّى عليك jamais يخونك
و ما يواتيه كان مريولك
بن يحيى ال Golden Boy
ميساوي Uno di noi
Merci هشام الزاهي
و كل اللّي عملو الباهي

كل من ضحاو عالمريول
يغيرو عليه كيف الجمهور
إنتوما منّا فينا
تعيشو كبار في عينينا
عاش loyal و حبيناه
الZgaw بالألاف شيعناه
أما اللّي خان jamais خسرناه
الإفريقي باقية بعد فناه

من مقاومة الإستعمار
لمقاومة الإستبداد
الإفريقي قلعة الأحرار
إسم يخوف في البلاد
بدينا ثورة عالنظام
بلّي قمعو ما طفات ال flamme
من زمان ضد الطغيان
مقاومة فالADN

فيراج ما ينسى خواتو
منّا pensée للماتو
هذا hommage لقروباتو
ولد عمارة و أياماتو
وال public magnifique
Solidaire و يغير عليك
عمل المحال في مدّة
جاب مليارات وقت الشدّة

الإفريقي عشرة سنين
حامينها من عام عشرين
غرامها تتوارثو الأجيال
À jamais loyaux fidèles
Centenaire et légendaire
Authentique et populaire
الإفريقي عشقوك لعباد
في خاطرك شعلت لبلاد

كراكاجات في كل حومة
مالصحراء للعاصمة
زهات الناس المغرومة
و لبرّة شهدو بينا
و الكلام مايوصفهاش
بالغربة ما تتنساش
عقلية علينا تسمات
حمراء و بيضاء للممات